KUTALISYA MUBANDI
CIIYO 6
Busicamba
Njiisyo: “Leza wakatupa busicamba bwakuti tumwaambile makani mabotu.”—1Tes. 2:2.
Ncaakacita Jesu
1. Amweebelele VIDIYO, naa kubala Luka 19:1-7. Mpoonya mubandike mibuzyo iitobela:
Ncinzi Ncotwiiya Kuli Jesu?
2. Tuyandika busicamba kutegwa tukambauke mulumbe wa Bwami kakunyina lusalululo.
Amumwiiye Jesu
3. Amusyome Jehova. Muuya wa Leza wakamupa nguzu zyakukambauka Jesu, andinywe ulakonzya kumugwasya. (Mt. 10:19, 20; Lk. 4:18) Amumulombe Jehova kuti amupe busicamba bwakukambaukila baabo mbomuyoowa.—Mil. 4:29.
4. Mutani kubeteki bantu. Tulakonzya kuwayawaya kubandika abantu akaambo kambobalibonya, zyuuno nzyobajisi, bukkale bwabo naa njiisyo nzyobasyoma. Pele kamuyeeya kuti:
-
Jehova a Jesu balakonzya kuzyiba zili mumoyo, pele swebo tatukonzyi.
-
Tatweelede kulimvwa kuti muntu ooyo takonzyi kugwasyigwa a Jehova.
5. Amube basicamba pele bapampu. (Mt. 10:16) Mutani kukazyanyi. Pele cabulemu amuleke kubandika amuntu uutayandi kuswiilila makani mabotu naa mwalimvwa kuti inga tiimwazumanana.—Tus. 17:14.
