CIIYO 3
Ino Buumi Bwakali Buti mu Paradaiso?
Jehova wakabapa zintu zinji zibotu ba Adamu a Eva. Matalikilo 1:28
Jehova wakalenga Eva mukaintu wakusaanguna, akumuleta kuli Adamu kuti abe mukaintu wakwe.—Matalikilo 2:21, 22.
Jehova wakabalenga kabajisi mizeezo amibili iilondokede.
Bakali kukkala mumuunda wa Edeni—busena bweebeka ibwakajisi mulonga azisamu zyamicelo alimwi abanyama.
Jehova wakali kwaambaula ambabo akubayiisya. Ikuti nobakamuswiilila, nobakapona kukabe kutamani mu Paradaiso anyika.
Leza wakabaambila kuti batalyi micelo kucisamu cimwi. Matalikilo 2:16, 17
Umwi mungelo wakazangila Leza. Ooyu mungelo mubi ngu Saatani Diabolosi.
Jehova wakabatondezya ba Adamu a Eva cisamu cimwi camicelo icakali mumuunda akubaambila kuti ikuti naa balya micelo yancico, bakali kuyoofwa.
Saatani tanaakayanda kuti ba Adamu a Eva bamumvwide Jehova. Aboobo wakabelesya nzoka kwaambila Eva kuti tanaakali kuyoofwa ikuti naa walya mucelo wacisamu, pele wakali kuyooba mbuli Leza. Ooku, kwakali kubeja.—Matalikilo 3:1-5.
Andiza Inga Mwaakkomanina Ayaaya
NJIISYO ZYAMU BBAIBBELE ZIYANDIKA
Ino Leza Wakailengela Nzi Nyika?
Nyika nimbotu kapati. Ibikkidwe abusena buli kabotu kapati kuzwa kuzuba, taisendekede kapati, alimwi taibaliki kapati ciindi noizinguluka. Nkaambo nzi Leza ncaakabikkila kapati maano ciindi naakali kupanga nyika?
