CIIYO 9
Ino Paradaiso Iyooba Lili?
Mapenzi aali munyika atondezya kuti Bwami bwa Leza bulaafwaafwi kubweza ntaamu. Luka 21:10, 11; 2 Timoteyo 3:1-5
Zintu zinji zicitika mazuba aano zyakaambilwa limwi mu Bbaibbele kuti ziyoocitika. Lyakaamba kuti bantu banooli basimuyanda mali, batamvwidi bazyali, bakali alimwi bayandisya zyakulikondelezya.
Kunooli mizuzumo yanyika mipati, nkondo, nzala amalwazi. Eezyi zintu zilacitika mazuba aano.
Alimwi Jesu wakaamba kuti makani mabotu aa Bwami ayookambaukwa nyika yoonse.—Matayo 24:14.
Bwami oobu buyoogusya bubi boonse. 2 Petro 3:13
Lino-lino Jehova uyoobanyonyoona basizibi boonse.
Saatani amadaimona bayoosubulwa.
Bantu bamuswiilila Leza bayoofwutuka akupona munyika mpya mwalo imunooli bululami, bantu mobatanooyoowi, mobanoosyomana akuyandana.
Andiza Inga Mwaakkomanina Ayaaya
MABBUKU AMABROSHUWA
Sena Kupenga Kuli Nokuyoomana?
Bbaibbele lyaamba kuti Leza takuyandi kutalulama alimwi ulababikkila maano bantu. Ino eeci inga camugwasya buti?
