Mulongo Wazifwanikiso
Zilitondezyedwe Kweelana Anamba Yapeeji
Zivwumbyo Paulo, Tabita, Galiyo, Luka, sikalumamba wamutempele abaapostolo, mu Saduki, Paulo utolwa ku Kaisareya, kukambauka kubelesya mootokala uujisi masipika acilimba camalekkoodi.
Apeeji 1 Paulo waangidwe nketani kabali a Luka mubwato bunyamuna mpasya kuya ku Roma.
Mapeeji 2, 3 Mukwesu J. E. Barr amukwesu T. Jaracz ibakali bamu Kabunga Keendelezya balanga maapu yanyika yoonse.
Apeeji 11 Jesu watuma baapostolo bali 11 basyomeka abasikumutobela bamwi acilundu mu Galilaya.
Apeeji 14 Jesu uunka kujulu. Baapostolo balamulangilila.
Apeeji 20 Lya Pentekoste, basikwiiya balaambaula abeenzu mumyaambo yabo.
Apeeji 36 Baapostolo baliimvwi kumbele lya Kayafa uunyemede. Basikalumamba bamu tempele balilibambilide kutumwa abamu Nkuta Mpati Yaba Juda kwaanga bantu.
Apeeji 44 Ansi: Niyakamana Nkondo Yanyika Yoonse Yabili, nkuta yaku East German yakatamikizya Bakamboni ba Jehova ibakaangidwe kuti mbaasikutwela bana America.—Periodical Neue Berliner Illustrierte, October 3, 1950.
Apeeji 46 Sitefano wapegwa mulandu a Nkuta Mpati Yaba Juda. Kulubazu lumwi kulibonya ba Saduki ibalemekwa, mpoonya kulubazu lumbi kulibonya ba Farisi.
Apeeji 54 Petro wabikka maanza ali sikwiiya mupya; Simoni ujisi kakwama kakubikkila mali.
Apeeji 75 Petro abasilweendonyina banjila muŋanda ya Korneliyo. Korneliyo ugwabikide cisani cilibedelede ikutondezya kuti weendelezya basikalumamba bali 100.
Apeeji 83 Petro ulasololelwa amungelo; kulangilwa kuti wakaangidwe muntolongo yaku Ngazi ya Antonia.
Apeeji 84 Ansi: Basikutalisya manyongwe afwaafwi a Montreal, Quebec, mu 1945.—Periodical Weekend Magazine, July 1956.
Apeeji 91 Paulo a Barnaba batandwa ku Antiokeya yaku Pisidiya. Mpoonya atala-atala kulibonya mwaakali kwiinda maanzi, calo cilangilwa kuti cakayakwa kumatalikilo aamwaanda wamyaka wakusaanguna C.E.
Apeeji 94 Paulo a Barnaba bakaka kukombwa mu Lustro. Zituuzyo zyaabuleya zyakali kweebeka alimwi kwakali coongo canyimbo.
Apeeji 100 Atala: Sila a Juda bakulwaizya mbungano yaku Antiokeya yaku Siriya. (Milimo 15:30-32) Ansi: Mulangizi wabbazu upa makani mumbungano ku Uganda.
Apeeji 107 Mbungano yamu Jerusalemu iswaanganina muŋanda.
Apeeji 124 Paulo a Timoteyo balibonya kuti bali mulweendo mubwato bwamakwebo bwaku Roma. Ŋanda iili kunkomwe ilalibonya alaale.
Apeeji 139 Paulo a Sila bali mulubuwa lukwabilidwe, kutija nkamu iinyemede.
Apeeji 155 Galiyo ukalalila basikutamikizya Paulo. Usamide cisani cimweelede kweelana acuuno ncajisi: cisani cilamfwu cituba icijisi tweengo twacisombo alimwi amusyobo wamabbusu aategwa calcei.
Apeeji 158 Demetriyo ulabandika abafwuzi bansiliva mu Efeso. Tukombelo twansiliva twa Atemi tulasambalwa kazili zipego.
Apeeji 171 Paulo abeenzinyina batanta bwato. Atala-tala kulibonya Cibumbwa ca Cito Cipati icakayakwa mumwaanda wamyaka wakusaanguna B.C.E.
Apeeji 180 Ansi: Nowakalesyedwe mulimo wakukambauka muma 1940 ku Canada, Kamboni uucili mwana-mwana utola mabbuku aamba zyamu Bbaibbele cakusisikizya. (Kutondezya icakacitika.)
Apeeji 182 Paulo wakuzumina kulomba kwabaalu. Kulumwensyi kuli Luka a Timoteyo ibagwasyilizya kwaaba zyakusanga.
Apeeji 190 Mujwa wa Paulo ulabandika a Kilaudiyo Lusiya mu Ngazi ya Antonia, kwalo ikulangilwa kuti nkwaangidwe Paulo. Mpoonya kusyule kulibonya Tempele lya Heroda.
Apeeji 206 Paulo upailila basilweendonyina ibalibilikide mubwato bunyamuna mpasya.
Apeeji 222 Paulo imwaange, waangidwe nketani kuli sikalumamba muna Roma, kumwi kalanga dolopo lya Roma.
