Bantu bali buyo lusele mbebakafwutuka ku Zambangulwe, pele mukuya kwaciindi bakavwula akuba zyuulu-zyuulu. Kwiinde myaka iili 352 kuzwa ciindi ca Zambangulwe, Abbulahamu wakazyalwa. Tulaiya Leza mbwaakasyomeka kucisyomezyo cakwe kwiinda mukupa Abbulahamu mwana wazina lya Izaka. Kubana bobilo ba Izaka, Leza wakasala Jakobo.

Jakobo wakalijisi mukwasyi mupati wakajisi bana basankwa bali 12 alimwi abasimbi. Bana basankwa ba Jakobo bali 10 tiibakali kumuyanda muce wabo Josefa, aboobo bakamuuzya mubuzike ku Ijipiti. Kumpela Josefa wakaba mweendelezi mupati wa Ijipiti. Nikwakaba nzala mpati, Josefa wakabasunka banyina kutegwa abone naa bakacinca myoyo yabo. Kumane mukwasyi woonse wa Jakobo, nkokuti bana Isilayeli, bakalongela ku Ijipiti. Eeci cakacitika nikwakainda myaka iili 290 kuzwa Abbulahamu naakazyalwa.

Kwamyaka iili 215 yakaccilila, bana Isilayeli bakali kukkala mu Ijipiti. Naakafwa Josefa, bakaba bazike nkweena ooko. Nikwakainda ciindi, Musa wakazyalwa, eelyo Leza wakamubelesya kunununa bana Isilayeli bakali mubuzike mu Ijipiti. Izintu zyoonse zyakacitika mumyaka iili 857, zilaambwa mu Cibeela CABILI.