Makani 105: Kabalindila mu Jelusalemu
BANTU aaba bali waawa mbatobeli ba Jesu. Bakaccilila ncaakabaambila, aboobo bakakkala mu Jelusalemu. Boonse kabalindila, kwaba kuyobeka kupati muŋanda. Kulimvwisya mbuli kuti kuboola kambizi. Kumane milaka yamililo yatalika kulibonya amutwe aumwi waasikwiiya. Hena ulakonzya kuubona mulilo amuntu aumwi? Ino eeci caamba nzi?
Maleele aaya! Jesu wajokela kujulu kuli Baswaabo, eelyo watila muuya uusalala wa Leza kubatobeli bakwe. Hena ulicizyi muuya ooyu ncowabapa kucita? Boonse batalika kwaambaula mumilaka iindenyi-indenyi.
Bantu banji mu Jelusalemu bamvwa kuyobeka kube nkambizi kaboola, aboobo baboola kuzyi kubona cicitika. Bamwi bantu ibaboola kokuno kupobwe lyabana Isilayeli lya Pentekosite, bazwa kumasi aambi. Baile kwaankamana beenzu! Balimvwida beenzu mumulaka wabo basikwiiya kabaambaula zintu zibotu Leza nzyaabacitila.
Ibeenzu bati: ‘Bantu boonse aaba bazwa ku Galilaya. Ino bacikonzya buti kwaambaula milaka iindenyi-indenyi iizwa mumasi aakubanacisya?’
Pita lino waima kubapanduluda. Waamba cakoongolola kwaambila bantu mbuli Jesu mbwaakafwa akuti Jehova wakamubusya. Pita wati: ‘Lino Jesu uli kujulu kujanza lyalulyo lya Leza. Alimwi watila muuya uusalala ngwaakasyomezya. Nkakaambo kaako mwalibonena akulimvwida maleele aaya.’
Pita naamba makani aaya, bantu banji beetezyegwa kumvwa mbobakamucita Jesu. Babuzya bati: ‘Ino ncinzi ncotweelede kucita?’ Pita wabaambila kuti: ‘Mweelede kweempwa akubbapatizyigwa.’ Aboobo mubuzuba mbomunya oobo, bantu basika kuma 3,000 babbapatizyigwa akuba batobeli ba Jesu.
Incito 2:1-47.
Mibuzyo
- Ncinzi cakacitika kuli basikwiiya ba Jesu kabalindila mu Jelusalemu kweelana ambocitondezya cifwanikiso?
- Ncinzi cakacitika ku Jelusalemu cakakankamanisya beenzu?
- Ncinzi Pita ncaapandulula kubantu?
- Mbuti bantu mbobalimvwa nibamana kuswiilila kuli Pita, alimwi ncinzi ncaabaambila kuti bacite?
- Bali bongaye bantu babbapatizyigwa mubuzuba bwa Pentekosite mu 33 C.E.?
Mibuzyo aimwi
- Bala Incito 2:1-47.
Mbuti majwi aa Pita aajanika ku Incito 2:23, 36 mbwaatondezya kuti coonse cisi caba Juda cakatola lubazu mukujaigwa kwa Jesu? (1 Tes. 2:14, 15)
Mbuti Pita mbwaakasiya cikozyanyo cibotu cakulanga-langa twaambo kwiinda mukubelesya Magwalo? (Inc. 2:16, 17, 29, 31, 36, 39; Kol. 4:6)
Mbuti Pita mbwaakaabelesya “makkii aabwami bwakujulu” aakutaanguna aayo Jesu ngaakasyomezya kumupa? (Inc. 2:14, 22-24, 37, 38; Mate. 16:19, Ci)
Andiza Inga Mwaakkomanina Ayaaya
JESU—NENZILA, NGOKASIMPE, MBOBUUMI
Bantu Banji Bamubona Kalitanasika Pobwe lya Pentekoste
Kabukide kubafwu pele katanaunka kujulu, cakwiinduluka-induluka Jesu wakankaizya kwaamba ceeco basikwiiya bakwe ncobakali kuyootambula alimwi ambobakali kuyoocibelesya.
