Makani 115: Paladaiso Mupya Anyika
LANGA zisamu eezyo zilamfwu, amaluba aataliboteli alimwi amalundu malamfwu. Hena taali abotu aawa? Langa mubabala nkwalya mujanza lyamwana. Langa basyuumbwa balede amahacci aimvwi mubwizu aalya. Hena tokonzyi kukkomana kukkala aŋanda iili mubusena buli boobu?
Leza uyanda kuti upone kukabe akutamani mupaladaiso anyika. Alimwi tayandi kuti kociswa-ciswa mbuli mbobaciswa bantu mazuba aano. Nkooku kusyomezya kwa Bbaibbele kuli baabo baya kukkala mupaladaiso mpya. Lilati: ‘Leza unakuli ambabo. Takukabi kabili lufwu nikuba kulila nikuba kuciswa. Zintu zyakaindi zyamaninina.’
Jesu uya kuyanda kuti kucinca ooku kubotu kwacitika ncobeni. Hena ulizyi nokuya kucitika? Ndileelyo aakumana kugusya bubi boonse abantu babi anyika. Koyeeya Jesu naakali anyika wakaponya bantu bakali kuciswa malwazi aamisyobo-misyobo alimwi wakabusya abafwide. Jesu wakacita eeci ikutondezya kuti uya kucicita nyika yoonse aakuba Mwami wabwami bwa Leza.
Koyeeya buyo mbokuya kubota mupaladaiso mpya anyika! Jesu kubikkilizya abaabo mbaasala, baya kulela anguwe kujulu. Baleli aaba bani kubalela kabotu bantu anyika cakuti boonse bani kukkomenyi. Atubone ncotweelede kucita kutegwa tube masimpe kuti Leza uya kutupa buumi butamani mupaladaiso yakwe mpya.
Ciyubunuzyo 21:3, 4; 5:9, 10; 14:1-3.
Mibuzyo
- Mbuumi buli buti Bbaibbele mbolitondezya kuti mbotuya kupona mu Paladaiso anyika?
- Ncisyomezyo nzi Bbaibbele ncolisyomezya kuli baabo baya kukkala mu Paladaiso?
- Ino ndilili Jesu naya kubona kwaamba kuti kucinca ooku kutaliboteli kwacitika?
- Ncinzi Jesu ncaakacita naakali anyika kutondezya ncaya kucita kali Mwami wa Bwami bwa Leza?
- Ncinzi Jesu abaabo baya kulela anguwe kujulu ncobaya kubona kuti cacitwa ansi bani kulela kujulu?
Mibuzyo aimwi
- Bala Ciyubunuzyo 5:9, 10.
Nkaambo nzi ncotukonzya kuba acamba cakuti aabo baya kulela nyika kwa Myaka iili Cuulu bana kuli bami abapaizi bajisi lubomba? (Ef. 4:20-24; 1 Pita 1:7; 3:8; 5:6-10)
- Bala Ciyubunuzyo 14:1-3.
Ncinzi zina lilembedwe ankumo zyaba 144,000 ncocaamba kwiinda mukwaamba kuti zina lya Taata azina lyamwana aa Mbelele? (1 Kor. 3:23; 2 Timo. 2:19; Ciy. 3:12)
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Ino Bwami bwa Leza Buyoocita Nzi?
Amwiiye zyintu nzyomukonzya kujana ciindi mfwulumende ya Leza noiyakulela nyika.
