TUBBOKESI TWAKUYIISYA 18A
Jehova Wacenjezya Kujatikizya Nkondo Mpati Iiboola
Bbaibbele lijisi businsimi bunji bucenjezya kujatikizya nkondo mpati yalo Jehova mwayoonyonyoona baabo boonse ibamukazya alimwi akukazya bantu bakwe. Ansi aawa kwabikkwa mulongo wabusinsimi bumwi. Amubone kukozyanya kuliko mukucenjezya ooku, alimwi amubone kuti Jehova waba masimpe kuti bantu boonse bajana coolwe cakukumvwa alimwi akubweza ntaamu.
MAZUBA AA ISRAYELI WANSIKU
EZEKIELI: “‘Ndiyoopa kuti panga limulwane [Gogo] atala aazilundu zyangu zyoonse,’ mbwaamba Mwami Singuzuzyoonse Jehova.”—Ezk. 38:18-23.
JEREMIYA: “[Jehova] walo mwini uyoobabeteka bantu boonse. Bantu babi uyoobaaba kupanga.”—Jer. 25:31-33.
DANIELE: “Leza wakujulu uyoobikka bwami . . . buyoopwayaula akumanizya mami aaya oonse.”—Dan. 2:44.
MWAANDA WAMYAKA WAKUSAANGUNA C.E.
JESU: “Kuyooba mapenzi mapati aatanacitikide kuzwa kumatalikilo aanyika.”—Mt. 24:21, 22.
PAULO: ‘Jesu abangelo bakwe basinguzu bayoosubula baabo batamuzyi Leza.’—2Tes. 1:6-9.
PETRO: “Buzuba bwa Jehova buyoosika mbuli mubbi, . . . alimwi nyika amilimo iili mumo ziyoobikkwa antangalala.”—2Pet. 3:10.
JOHANE: ‘Mukanwa lya [Jesu] muyoozwa panga lilamfwu libosya, lyakuti akaumye masi.’—Ciy. 19:11-18.
MAZUBA AANO
Bbaibbele ndebbuku lilikke ilyasandululwa alimwi akumwaigwa kapati kwiinda mabbuku aambi
BABELESI BA JEHOVA BAMAZUBA AANO . . .
-
Balamwaya mabbuku aamba zyamu Bbaibbele manji mumyaambo minji
-
Balakambauka mawoola manji kapati mwaka-amwaka
