Ino Leza Ujisi Makanze Nzi Kujatikizya Ndiswe?
CIINDI nomubala muteende, kweebelela TV, naa kuswiilila wailesi, mulabona akumvwa makani manji aamba zyabugwebenga, nkondo akujayana. Ambweni nywebo lwanu mulapenga akaambo kakuciswa naa akaambo kakufwidwa muyandwa wanu.
Amulibuzye kuti:
-
Sena oobu Leza mbwayanda kuti mebo amukwasyi wangu katupona?
-
Ino ncinzi cikonzya kundigwasya kuliyumya mumapenzi aandijisi?
-
Sena kuli nokuyakuba luumuno lwini-lwini?
Bbaibbele lilapa bwiinguzi busalede kumibuzyo eeyi.
BBAIBBELE LIYIISYA KUTI LEZA UYAKUCITA ZINTU ZIBOTU KAPATI AANO AANYIKA.
-
Bantu tabakamvwi limbi kucisa, tabakacembaali naa kufwa.—Ciyubunuzyo 21:4
-
“Mulema uyoosotauka mbuli insya.”—Isaya 35:6
-
“Meso aaboofwu ayoojaluka.”—Isaya 35:5
- Bafwide bayoobusyigwa.—
-
Taakwe muntu naba omwe uuyoociswa.—Isaya 33:24
-
Bantu boonse anyika banoojisi cakulya cinji.—Intembauzyo 72:16
AMUGWASYIGWE ANCOLIYIISYA BBAIBBELE
Ambweni mulakonzya kuyeeya kuti nzyomwabala kumatalikilo aabbuku eeli nciloto buyo. Pele Leza usyomezya kuti lino-lino uyoopa kuti zintu eezyi zicitike anyika, alimwi Bbaibbele lilapandulula mbwayoocita oobo.
Kuli azimbi nzyolyaamba Bbaibbele kunze lyazintu eezyi. Lilatwaambila nzyotweelede kucita kutegwa tukkomane ncobeni alimwi akuba abuumi bubotu lino. Amuyeeye kwaciindi cisyoonto buyo zintu zimulibilisya. Eezyi zilakonzya kubikkilizya makani aajatikizya mali, mukwasyi, kuciswa naa kufwidwa muyandwa. Bbaibbele lilakonzya kumugwasya kulanganya mapenzi aaya, alimwi lilakonzya kumuumbulizya kwiinda mukwiingula mibuzyo mbuli bwayeeyi iitobela:
Mbokunga mubala bbuku eeli, eeci citondezya kuti muyanda kuzyiba ncoliyiisya Bbaibbele. Bbuku eeli lilamugwasya. Mincali ilijisi mibuzyo yalo iiyoomugwasya kucimvwisya ncolyaamba Bbaibbele. Bantu banji bagwasyigwa kwiinda mukubandika makani aamu Bbaibbele a Bakamboni ba Jehova. Tusyoma kuti andinywe mulagwasyigwa. Leza amuleleke eelyo nomuzyiba ceeco Bbaibbele ncolimuyiisya!