CIIYO 13
Kusalazya Mbwaagwasya Makani
Tusimpi 3:21
NCOMWEELEDE KUCITA: Amubagwasye baswiilizi banu kumvwisya makani ngomubandika mbwaabujatikizya buumi bwabo alimwi amubatondezye ncobeelede kucita kujatikizya makani aayo.
MBOMUKONZYA KUCITA OOBO:
-
Amubabikke mumizeezo baswiilizi banu. Amuzinzibale kuyeeya kaambo baswiilizi banu ncobeelede kwaamvwa makani aanu alimwi amulange-lange twaambo tuli mumakani aayo mbotukonzya kubagwasya kapati.
-
Mumubandi wanu woonse, amubagwasye baswiilizi banu kubona ncobeelede kucita. Mbomwatalikila buyo mubandi wanu, muswiilizi umwi aumwi weelede kulimvwa kuti, ‘Eeci cijatikizya ndime buya.’ Ciindi nomwaamba kaambo kamwi akamwi kayandika kapati, amutondezye mbokakonzya kubelesyegwa. Amwaambe twaambo tubajatikizya baswiillizi banu cacigaminina kutali kwiile kwaamba twaambo tujatikizya bantu boonse.