CIIYO 15
Zyaambwa Cakutadooneka
Baroma 8:38, 39
NCOMWEELEDE KUCITA: Amutondezye kuti mulakasyoma ncobeni kasimpe alimwi akuti twaambo ntomwaamba tulayandika kapati.
MBOMUKONZYA KUCITA OOBO:
-
Amulibambile cakulomya. Amulibambile makani kusikila mane mwatumvwisya twaambo tuyandika kapati akubona Bbaibbele mbolisinizya kuti ntwamasimpe. Amusole kutwaamba twaambo tupati-pati ituli mumakani aanu mumajwi masyoonto buyo. Amubikkile maano kubona mbwaakonzya kubagwasya baswiilizi banu. Amupailile muuya uusalala.
-
Amubelesye mabala aatondezya kuti mulazisyoma nzyomwaamba. Muciindi cakubelesya mabala ngaonya aalembedwe muzintu zyakamwaigwa, amubelesye majwi aanu. Amubelesye mwaambo uutondezya kuti mulazisyoma ncobeni nzyomwaamba.
-
Amukanane kweelana ambomulimvwa alimwi acamoyo woonse. Amukanane ajwi limvwika. Amuzumanane kubalanga baswiilizi banu aawo mpoceelela kucita oobo.
