CIIYO 16
Amube Bantu Bayumya-yumya
Jobu 16:5
NCOMWEELEDE KUCITA: Amubikkile maano kwaamba zintu zigwasya alimwi izikonzya kubakulwaizya baswiilizi banu.
MBOMUKONZYA KUCITA OOBO:
-
Amubabone munzila yeelede baswiilizi banu. Amube alusyomo lwakuti basyominyoko abalo bayanda kucita zintu zimukkomanisya Jehova. Noliba leelyo nomweelede kupa lulayo, amusaangune kubalumba kuzwa ansi aamoyo kuti kaceelela.
-
Mutavwuzyi makani aatyompya. Mulakonzya kwaamba makani amwi aatyompya lilikke buyo ciindi naajisi kaambo kagwasya. Pele bunji bwazintu nzyomubandika mumakani aanu zyeelede kuba zintu zikulwaizya.
-
Amulibelesye kabotu Jwi lya Leza. Amubagwasye kubikkila maano kuzintu nzyaakacita kale Jehova, nzyacita lino alimwi anzyayoobacitila bantu kumbele. Amubakulwaizye akubayumya-yumya baswiilizi banu.
