CIIYO 3
Kwiibelesya Kabotu Mibuzyo
Matayo 16:13-16
NCOMWEELEDE KUCITA: Cabupampu, amubuzye mibuzyo iikonzya kupa kuti baswiilizi banu bazumanane kuba aluyandisisyo, bakabone kaambo alimwi akukankaizya twaambo tuyandika kapati.
MBOMUKONZYA KUCITA OOBO:
-
Amubakulwaizye kuba aaluyandisisyo. Amubuzye mibuzyo iikonzya kubapa kuyeeya baswiilizi banu kujatikizya kaambo nkomubandika, naa kubapa kuba aluyandisisyo lwakuzyiba bwiinguzi.
-
Amubagwasye kukabona kaambo. Amubagwasye baswiilizi banu kukabona kaambo kwiinda mukubuzya mibuzyo iili mbwiibede, yalo iikonzya kubagwasya kubona kaambo kayandika kapati.
-
Amukankaizye twaambo tuyandika kapati. Amubuzye mubuzyo uupa kuyeeya kutegwa mutalisye kaambo kayandika kapati. Amubelesye mibuzyo yakwiinduluka mwamana kubandika kaambo kayandika kapati naa ciindi nomumanizya mubandi wanu.