Amuzyibe kaambo ncomulubalila lugwalo. Amwaambe lugwalo munzila iikonzya kugwasya baswiilizi banu kukabona kaambo nkomuyanda kukankaizya mulugwalo.

Amutondezye kuti zyoonse nzyomwaamba zizwa mu Bbaibbele. Ciindi nomubandika abantu ibasyoma muli Leza, amubagwasye kubikkila maano ku Bbaibbele mbwaanga ndi Jwi lya Leza. Kwiinda mukucita boobu, mutondezya kuti nzyomuyiisya zizwa kuli Leza.

Amubape kuba aluyandisisyo lwakubala lugwalo. Amubuzye mubuzyo uukonzya kwiingulwa mulugwalo, amwaambe kaambo kamwi kataluzi kalo ikasalazyigwa kwiinda mukubelesya lugwalo naa kwaamba njiisyo imwi njobakonzya kumvwisya kwiinda mukubala lugwalo.