Skip to content

Skip to table of contents

Amunjile (opens new window)
Amuyandaule a JW.ORG

Cikwati

Cikwati

Ino cikwati cakatalika buti?

Matl. 1:​27, 28; 2:​22-24; Mt. 19:​4-6

Muntu uuli buti Munakristo ngwayelede kusala kukwatana limwi?

Nkaambo nzi Babakristo bakasimpe ncobateelede kuzumizya mwanaabo uubbapatizyidwe kukwatana amuntu uutabbapatizyidwe?

1Kor. 7:39; 2Kor. 6:​14, 15

  • Zibalo zyamu Bbaibbele zigwasya:

    • Matl. 24:​1-4, 7—Abrahamu wakajisi makanze aakujanina mwanaakwe Izaka mukaintu wakukwata akati kabaabo ibakali kubelekela Jehova, kutali kubana Kanana, bakali kukomba baleza bambi

    • Matl. 28:​1-4—Izaka wakalailila mwanaakwe kujana mukaintu akati kabantu ibakali kukomba Jehova, kutali bana Kanana

Ino Jehova ulimvwa buti kujatikizya baabo bakwatana amuntu uutasyomi?

Dt. 7:​3, 4

  • Zibalo zyamu Bbaibbele zigwasya:

    • 1Bam. 11:​1-6, 9-11—Jehova wakamunyemena kapati Mwami Solomoni akaambo kakuunduluzya malailile aakwe, akukwata bamakaintu beenzu alimwi akubazumizya kuti beene moyo wakwe

    • Neh. 13:​23-27—Mbubwenya mbuli Jehova, Nehemiya wakanyema kapati ciindi bana Israyeli nobakakwata bamakaintu beenzu ibatakali kubelekela Jehova, aboobo wakabalulamika

Nkaambo nzi ncocili cabusongo kukwatana amuntu uubelekela Jehova cakusyomeka alimwi uujisi mpuwo mbotu?

Tus. 18:22; 31:​10, 28

Amubone a Ef. 5:​28-31, 33

  • Zibalo zyamu Bbaibbele zigwasya:

    • 1Sam. 25:​2, 3, 14-17—Nabala wakalivwubide, pele wakali mukali alimwi silunya, eeci cakapa kuti atabi mulumi uuli kabotu kuli Abigayeli

    • Tus. 21:9—Kusala muntu uutali kabotu wakukwatana limwi kulakonzya kutupa kutakkomana akutumanina luumuno

    • Rom. 7:2—Mwaapostolo Paulo wakaamba kuti ikuti mukaintu wakwatwa, utalika kweendelezyegwa amulumi wakwe uutalondokede; aboobo mukaintu musongo weelede kubikkila maano kujatikizya muntu ngwazumina kukwatana limwi

Kulibambila cikwati

Nkaambo nzi mwaalumi ncayelede kuba masimpe kuti ulakonzya kumulanganya mukaintu alimwi abana katanayeeya kukwata?

1Tim. 5:8

  • Zibalo zyamu Bbaibbele zigwasya:

    • Tus. 24:27—Mwaalumi katanakwata alimwi akuba abana, weelede kubeleka canguzu kulibambila kulanganya mukwasyi

Nkaambo nzi bantu bobilo beebana ncobeelede kulomba lulayo kubantu bamwi alimwi akubikkila maano kuti bazyibane kabotu ikutali kulanga buyo ciwa?

Tus. 13:10; 1Pet. 3:​3-6

  • Zibalo zyamu Bbaibbele zigwasya:

    • Rut. 2:​4-7, 10-12—Boazi wakamuzyiba kabotu Rute kwiinda mukulangilila mbwaakali kubeleka canguzu, mbwaakali kumulanganya Naomi, kumvwa malipooti kuzwa kubantu basyomeka alimwi akubona mbwaakali kumuyanda Jehova

    • Rut. 2:​8, 9, 20—Rute wakamuzyiba kabotu Boazi kwiinda mukubona luzyalo lwakwe, bwaabi mbwaakajisi alimwi aluyando ndwaakajisi kuli Jehova

Nkaambo nzi Jehova ncayanda kuti bantu beebana kabalilemeka kabotu?

Gal. 5:19; Kol. 3:5; 1Tes. 4:4

  • Zibalo zyamu Bbaibbele zigwasya:

    • Tus. 5:​18, 19—Nzila zimwi zyakutondezyanya luyando zyeelede buyo kucitwa abanabukwetene

    • Lwi. 1:2; 2:6—Ciindi nobakali kweebana, mweembezi amusimbi muna Sulamiwe bakali kutondezyanya luyando munzila yeelede naa yabulemu

    • Lwi. 4:12; 8:​8-10—Musimbi muna Sulamiwe wakali kulilemeka akulilesya; wakali mbuli muunda uukkiidwe

Nkaambo nzi bantu ibayanda kukwatana ncobeelede kukwatana kweelana amulawo?

Mt. 22:21; Rom. 13:1; Tit. 3:1

Mukuli wamulumi

Ino mukuli nzi mupati ngwapedwe mulumi?

Ef. 5:​23, 25, 28-31, 33

Ncikozyanyo nzi mulumi Munakristo ncayelede kutobela ciindi nacita mulimo wakwe wabusilutwe?

1Kor. 11:3; Ef. 5:23

Nkaambo nzi mulumi ncayelede kutondezya kuti ulamuyanda mukaintu wakwe alimwi akuti ulamumvwisya?

Kol. 3:19; 1Pet. 3:7

  • Zibalo zyamu Bbaibbele zigwasya:

    • Matl. 21:​8-12—Jehova wakalailila Abrahamu kumuswiilila mukaintu wakwe Sara, nokuba kuti tanaakaikkomanina mizeezo yakwe

    • Tus. 31:​10, 11, 16, 28—Mulumi musongo uujisi mukaintu mubotu tamudyaaminini naa kulanga tumpenda mulinguwe. Muciindi caboobo, ulamusyoma alimwi akumulumbaizya

    • Ef. 5:33—Mwaapostolo Paulo wakatondezya kuti mukaintu weelede kuzyiba kuti mulumaakwe ulamuyanda

Mukuli wamukaintu

Ino mukuli nzi mupati Jehova ngwaakapa mukaintu Munakristo?

Matl. 2:18; Kol. 3:18; Tit. 2:​4, 5

Sena mukuli wamukaintu weelede kubonwa kuba waansi?

Matl. 1:​26-28, 31; 2:18

  • Zibalo zyamu Bbaibbele zigwasya:

    • Tus. 1:8; 1Kor. 7:4—Leza wakapa bamakaintu nguzu zimwi mumukwasyi

    • 1Kor. 11:3—Mwaapostolo Paulo wakaamba kuti mububambe bwa Jehova, bantu boonse balijisi uubeendelezya kunze buyo lya Leza Singuzuzyoonse

    • Heb. 13:​7, 17—Mumbungano, bamaalumi abamakaintu beelede kubamvwida aabo basololela

Mbuti mukaintu Munakristo uukwetwe kumuntu uutasyomi mbwakonzya kupa Jehova kukkomana?

1Kor. 7:​13-16; 1Pet. 3:​1, 2

Nkaambo nzi mukaintu Munakristo ncayelede kutondezya bulemu kumulumaakwe?

Ef. 5:33

  • Zibalo zyamu Bbaibbele zigwasya:

Ino mukaintu uuli buti uutembaulwa mu Bbaibbele?

Tus. 19:14; 31:​10, 13-31

  • Zibalo zyamu Bbaibbele zigwasya:

    • Matl. 24:​62-67—Rebeka wakamuumbulizya mulumaakwe, Izaka ciindi naakafwidwa banyina

    • 1Sam. 25:​14-24, 32-38—Abigayeli wakamukwabilila mulumaakwe mufwubafwuba alimwi akuvwuna bamuŋanda yakwe kwiinda mukulomba Davida kuti abafwide luzyalo

    • Es. 4:​6-17; 5:​1-8; 7:​1-6; 8:​3-6—Namalelo Esita wakabikka buumi bwakwe muntenda kwiinda mukuunka kuyoobonana amulumaakwe iwakali mwami katatambidwe, kutegwa akwabilile bantu ba Leza

Kumana mazwanga

Ninjiisyo nzi zikonzya kugwasya banabukwetene kumana mazwanga mucikwati cabo?

1Kor. 13:​4-8; Ef. 5:33; Kol. 3:​12-14

Ninjiisyo nzi zikonzya kugwasya banabukwetene kwaalanga munzila iili kabotu mali?

Lk. 12:15; Flp. 4:5; 1Tim. 6:​9, 10; Heb. 13:5

Amubone amutwe wamakani wakuti “Mali”

Ninjiisyo nzi zikonzya kugwasya banabukwetene kubamba twaambo tujatikizya bacibbululu alimwi abamakwe?

Int. 34:14; Mt. 19:​5, 6; 1Kor. 13:​4, 5

Ninjiisyo nzi zikonzya kugwasya banabukwetene caboola kumakani akoonana?

Tus. 5:​15-20; Mt. 5:​27, 28; 1Kor. 7:​3-5; 10:24; Flp. 2:4; Heb. 13:4

Nkaambo nzi ncociyandika kapati kubikkila maano kubube bubotu mbwajisi ngomukwetene limwi ikutali kulezya kwakwe?

Int. 103:14; 130:​3, 4; Tus. 17:9; 1Pet. 4:8

Nkaambo nzi ncociyandika kufwambaana kwaabamba makani munzila yaluyando muciindi cakuzumanana kunyema?

Int. 37:8; Tus. 14:29; Ef. 4:​26, 27; Jak. 1:​19, 20

Nkaambo nzi kunyema, kubwenta, majwi akusampaula, alimwi akulwana ncokutazumizyidwe ku Banakristo?

Int. 11:5; Gal. 5:​19-21; Ef. 4:​31, 32; Tit. 3:2

Ciindi nokwabuka mazwanga, nimbaakani nzi njobeelede kuba anjiyo banabukwetene?

Int. 34:14; Mt. 5:9; Rom. 12:​17, 18, 21

Nzilongezyo nzi nzyobakonzya kujana banabukwetene ikuti bamubikkilizya Jehova mucikwati cabo kuzwa kumatalikilo?

Muk. 4:​9-12

Zyeelelo zijatikizya cikwati

Nzyeelelo nzi nzyabikkide Jehova kujatikizya koonana alimwi acikwati?

Tus. 6:32; Mt. 5:​27, 28; 1Kor. 6:​9, 10; Heb. 13:4

Ino Banakristo beelede kukubona buti kukwata naa kukwatwa maali?

Mt. 19:​8, 9; 1Kor. 7:2; 1Tim. 3:​2, 12

Ino tuzyi buti kuti cikwati ceelede kuba buyo akati kamwaalumi amukaintu?

Matl. 2:​18, 22, 24; Mt. 19:​4-6; Rom. 1:​23-27

Nkaambo nzi banabukwetene ncobeelede kuzumanana kukkala antoomwe?

Mt. 10:​6-9; Rom. 7:​2, 3; 1Kor. 7:​10, 11

Nkaambo nzi kalikke kamu Magwalo kakonzya kupa Banakristo kulekana?

Mt. 5:32; 19:9

Ino Jehova ulimvwa buti kujatikizya kulekana kutali kwamumulawo?

Malk. 2:​13-16

Ikuti umwi wabanabukwetene wafwa, sena ooyo wasyaala ulaangulukide kukwata naa kukwatwa kumbi?

Rom. 7:​2, 3; 1Kor. 7:39

 

Andiza Inga Mwaakkomanina Ayaaya

SINSIMUKA!

Ino Caamba nzi Kuti Mulumi Ngomutwe?

SINSIMUKA!

Mikwasyi Iizwidilila—Kubelekela Antoomwe

Sena muntu ngomukwetene limwi uli mbuli muntu ngomukkala buyo limwi muŋanda yomwe kamutakwetene?

CIKWATI ALIMWI AMUKWASYI

Mbomukonzya Kutondezya Luyando

Mbuti banabukwetene mbobakonzya kutondezya kuti balabikkilana maano ncobeni? Amulange-lange nzila zyone iziyeeme anjiisyo zyamu Bbaibbele.

BAKUBUSI BALABUZYA

Sena Ndililibambilide Kweebana?

Twaambo tuli 5 tukonzya kumugwasya kuzyiba naa mulilibambilide kweebana alimwi akukwata naa kukwatwa.

NGAZI YAMULINDIZI

Nobalumi—Amubagwasye Kuliiba Bamakaintu Banu

Mukwasyi ulakonzya kuba amali manji, pesi kautabikkili maano kuzintu ziyandika kapati.

KUJATIKIZYA NDISWE

Amulombe Kuswaigwa

Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.

MAGWALO AAGWASYA KUPONA BUUMI BWA BUNAKRISTO

Cikwati

Chitonga
Cikwati
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl map. 35-39
AMUSALE NZYOMUYANDA KUDAUNILODA
Cikwati
Amusale naa muyanda kudauniloda zyakamwaigwa Magwalo Aagwasya Kupona Buumi bwa Bunakristo