CIIYO 16
Amulutondezye Luyando Ndomujisi Kuli Leza
Ikutegwa cilongwe canu cizumanane amuntu, mweelede kamubandika anguwe. Mulamvwana mukwaambaula. Alimwi mulaamba zintu zibotu kujatikizya mulongwe wanu kubantu bambi. Ncimwi buyo akuba mulongwe wa Leza. Amubone ncolyaamba Ibbaibbele kujatikizya ceeci:
Kamukanana lyoonse kuli Jehova mumupailo. “[Amujatisye] kukomba.”—Ba-Roma 12:12.
Kamulibala Jwi lya Leza, Ibbaibbele. “Magwalo aya oonse akazwa kuli-Leza, alikondede kukufundisya akukulaya, akukuolola.”—2 Timoteo 3:16.
Amuyiisye bamwi kujatikizya Leza. “Nkaambo kaako kamuya mukabaiisye bantu bamisyobo yoonse . . . kuti bajatisye makani oonse ngendakamulailila.”—Matayo 28:19, 20.
Kamujanika kumiswaangano ku Ŋanda ya Bwami. “Katunga katuyeeyana, katubusyanya-busyanya mukuyandana akucita milimo mibotu. . . . Ka[tu]cenjezyanya twaambo.”—Ba-Hebrayo 10:24, 25.
Amugwasilizye kusumpula mulimo wa Bwami. “Umwi aumwi uleelede kupa mbuli mbwayanda mumoyo wakwe, kutabi cakunyonosya moyo nanka cakusinikizigwa, nkaambo oyu uupa calumwemwe nguuyandwa kwa-Leza.”—2 Ba-Korinto 9:7.