Nomujisi mulongwe ngomulombozya akulemeka, mulasoleka kuba mbuli nguwe. Ibbaibbele lyaamba kuti “Jehova mubotu, uliluleme.” (Intembauzyo 25:8) Ikutegwa tube balongwe ba Leza, tweelede kuba bantu ibabotu alimwi baluleme. Ibbaibbele lyaamba kuti: “Amube basikwiiya ba-Leza mbuli bana bayandwi, alimwi amweende cakuyandana.” (Ba-Efeso 5:1, 2) Nzeenzi inzila zimwi mbomunga mwacicita eeci:

Amulisungule kugwasya bamwi. “Atucitile bantu boonse milimo mibotu.”—Ba-Galatiya 6:10.

Amubeleke canguzu. “Mubbi atabbi limbi, pele asungwaale akubelesya maanza aakwe milimo mibotu.”—Ba-Efeso 4:28.

Kamusalala lyoonse amubili amumizeezo. “Atulisonzole busofwaazi boonse nibuba bwamubili nibuba bwamoyo, atulondole busalazi bwesu cakuyoowa Leza.”—2 Ba-Korinto 7:1.

 Amubalemeke akubayanda banamukwasyi. “Mwaalumi umwi aumwi . . . ayande mukaakwe mbuli mbwaliyanda mwini, alakwe mwanakazi alemye mulumi wakwe. Banike, amulemeke bazyali banu.”—Ba-Efeso 5:33–6:1.

Amutondezye luyando kuli bamwi. “Atuyandane, nkaambo kakuti luyando ndulwa-Leza.”—1 Johane 4:7.

Amwiitobele milawo yacisi. “Bantu boonse abalibombye ku[mfwulumende] . . . Amupe bantu boonse mbubeelede. Oyo uueledwe mutelo amumupe mutelo.”—Ba-Roma 13:1, 7.