Makani Aantalisyo Aacibeela 11
Cibeela eeci caamba kujatikizya Magwalo aa Banakristo aa Chigiriki. Jesu wakazyalilwa mumukwasyi mucete iwakali kukkala mudolopo lisyoonto. Wakabeleka abausyi, balo ibakali basikubeza mapulanga. Jesu ngonguwe iwakeelede kufwutula bantu boonse. Jehova wakamusala kuti abe Mwami wa Bwami bwakujulu. Ikuti kamuli bazyali, amumugwasye mwanaanu kuti abone Jehova mbwaakabikkila maano ikusala mukwasyi alimwi abusena Jesu nkwaakeelede kukomenena. Amubone Jehova mbwaakamukwabilila Jesu kuti atajaigwi a Heroda alimwi amakanze aa Jehova mbwaatakonzyi kulesyegwa. Amwiiye kujatikizya Jehova mbwaakasala Johane kuti abambile Jesu inzila. Amukankaizye Jesu mbwaakatondezya kuti noliba leelyo naakacili muniini, wakali kubukkomanina busongo bwa Jehova.
MUCIBEELA EECI
Elizabeta Waba Amwana
Nkaambo nzi mulumi wa Elizabeta ncaakaambilwa kuti tanikwaambauli kusikila mane mwana akazyalwe?
Gabriyeli Waswaya Mariya
Wakamwaambila makani aakacinca buumi bwakwe.
Bangelo Baambilizya Kuzyalwa kwa Jesu
Beembezi ibakamvwa kwaambilizya ooku bakafwambaana kubweza ntaamu.
Jehova Wakamukwabilila Jesu
Mwami mubi wakali kuyanda kuti Jesu ajaigwe.
Jesu Uucili Mwana
Ino wakabagambya buti bamayi mutempele?
Johane Wabamba Nzila
Johane waba musinsimi ciindi naakomena. Uyiisya kuti Mesiya ulaboola. Ino bantu balimvwa buti kujatikizya makani ngaamba?
