Makani Aantalisyo Aacibeela 6
Kumamanino ciindi bana Israyeli nobakasika ku Nyika Yakasyomezyedwe, tente lyakaba mbobusena bwabukombi bwakasimpe. Bapaizi bakali kuyiisya Mulawo, alimwi babetesi bakali kusololela cisi. Cibeela eeci cilatondezya micito alimwi azyakusala zyamuntu mbozikonzya kubajatikizya bamwi. Muna Israyeli uuli woonse wakajisi mukuli kuli Jehova alimwi akubantunyina. Amupandulule Debora, Naomi, Joshua, Hana, mwana musimbi wa Jefita, alimwi a Samueli mbobakagwasya bana Israyelinyina. Amukankaizye kuti nobaba baabo ibatakali bana Israyeli mbuli Rahabu, Rute, Jaeli, alimwi abana Gibeoni, bakasala kuba kulubazu lwabana Israyeli nkaambo bakalizyi kuti Leza wakali aambabo.
MUCIBEELA EECI
Jehova Wakasala Joshua
Leza wakapa Joshua malailile aakonzya kutugwasya andiswe mazuba aano.
Rahabu Wakabasisa Basikutwela
Bwaanda bwa Jeriko bwakawa. Pele ŋanda ya Rahabu yakazumanana kayiimvwi, nokuba kuti yakayakidwe abwaanda.
Joshua abana Gibeoni
Joshua wakapaila kuli Leza kuti: “Ozuba, koima!” Sena Leza wakaingula?
Mweendelezi Mupya Alimwi Abamakaintu Bobilo Basongo
Joshua naakafwa, bana Israyeli bakatalika kukomba baleza bakubeja. Bakapenga pele bakagwasyigwa a Mubetesi Baraki, musinsimi mukaintu Debora, alimwi a Jaeli anembe yakwe yakutente!
Rute a Naomi
Bamakaintu ibakafwidwa bamaalumi bapiluka ku Israyeli. Mukaintu omwe akati kabo wazina lya Rute, wakaunka kuyoobeleka mumyuunda, ooko nkwaakabonwa a Boazi.
Gideoni Wakabazunda Bana Midiyani
Bana Midiyani nobakali kubapenzya bana Israyeli, bantu bakalomba Jehova kuti abagwasye. Ino mbuti basikalumamba ba Gideoni basyoonto mbobakakonzya kuzunda basinkondo bali 135,000?
Hana Wapaila Kulomba Mwana Musankwa
Elikana watola Hana, Penina, alimwi abana kuyookomba kutempele ku Silo. Kali kokuya, Hana walomba mwana musankwa. Nokwainda mwaka, Samuele wazyalwa!
Cisyomezyo ca Jefita
Ino Jefita wakasyomezya nzi, alimwi nkaambo nzi? Ino mwana wa Jefita wakacita buti akaambo kacisyomezyo cabausyi?
Jehova Waambaula a Samuele
Bana basankwa bobilo bamupaizi mupati Eli bakali kubelekela kutente lyakukombela, pele kunyina nobali kwiitobela milawo ya Leza. Samuele wakaliindene. Busiku bumwi Jehova wakaambaula a Samuele.
Jehova Wakapa Samusoni Nguzu
Leza wakapa kuti Samusoni abe anguzu zyakulwana ba Filisiti, pele ciindi Samusoni naatakasala kabotu, ba Filisiti bakamujata.