Nkalungu Kaamoyo Kwiinda Zyakusobanya

Sena bana baniini balakonzya kuyandisya bbuku kwiinda zyakusobanya? Mmasimpe balakonzya kucita oobo ciindi bazyali nobabapa mabbuku kuzwa kubuvwanda. Mebrahtu a Angela, banabukwetene bakkala ku California mucisi ca U.S.A. bakatalika kubala bbuku lya Amwiiye ku Mwiiyi Mupati kumwanaabo musimbi kuzwa ciindi nobakamutola kuŋanda kuzwa kucibbadela.

Bazyali aaba bakalemba kuti: “Kwiinda mukucita boobo, bbuku lya Mwiiyi lyaba kalungu kaamoyo kumwaneesu. Kajisi buyo myezi iili 12 yakuzyalwa, wakatalika kutulomba kuti katumubalila bbuku ndyaakali kwiita kuti ibbuku lya Jesu. Julianna lino ujisi myaka yotatwe yakuzyalwa alimwi lyoonse ulakukkomanina kuba antoomwe a Banyina naa Bausyi. Takuli kuciindizya pe ikwaamba kuti bbuku eeli kutali cakusobanya cili coonse, nkakalungu kaamoyo kumwaneesu. Zifwanikiso alimwi azikozyanyo zili mubbuku eeli azyalo zilagwasya kapati mukuyiisya. Andiswe tobazyali bakwe tulayiya zinji.”

Mulakonzya kulomba bbuku eeli lijisi zifwanikiso zyeebeka alimwi lyamapeeji aali 256 imapati mbuli mapeeji aamagazini eeyi. Ciyandika buyo nkulemba kagwalo kali ansi aawa akukatumina kukkeyala iitondezyedwe naa kukkeyala yeelede iili apeeji 5 mumagazini eeyi.

□ Kakunyina kubbadela, ndilomba kuti munditumine bbuku litondezyedwe waawa.

□ Amundilembele kujatikizya ciiyo ca Bbaibbele caaŋanda citabbadelelwi.