“Eelyo Kaka Ndibotu!”

▪ Oobo mbwaakaamba mweendelezi wabasikuvwuntauzya twaambo twamulukwatano kujatikizya bbuku lyakuti Inzila Yakujana Lukkomano Mumukwasyi. Banabukwetene ibakabuzyigwa bakamupa bbuku eeli alimwi bakaamba kuti ikulibala kwakabagwasya kapati kulibambila kukwatana.

Mweendelezi wabasikuvwuntauzya wakalemba lugwalo kuli banabukwetene lwakubalumba akaambo “kacipego cibotu” ncibakamupa. Mpoonya wakaamba camoyo woonse kuti banabukwetene bali boobo beelede kuyiisya bamwi kutegwa bazyibe “mbobakonzya kukkomana mulukwatano.” Wakalisinizide kuti ibbuku lya Inzila Yakujana Lukkomano Mumukwasyi lilakonzya kubagwasya banabukwetene kumana mapenzi ngobakonzya kuba angayo. Mweendelezi wakaamba kuti banabukwetene aaba balaacoolwe akaambo kakuti bali alusyomo alimwi balizyi kuti Leza ulakonzya kubagwasya.

Mweendelezi ooyu wakaamba kuti wakalibikka bbuku eeli atebulu alimwi ulabatondezya basicikolo mbayiisya nobamulomba kuti abape lulayo lwamulukwatano. Wakamanizya amajwi aakuti, “tandinalibwene bbuku liinda leeli kubota, eelyo kaka ndibotu!”

Ibbuku lya Inzila Yakujana Lukkomano Mumukwasyi lyabagwasya banabukwetene banji nyika yoonse mbwiizulwa. Lilakonzya kumugwasya andinywe ikubelesya njiisyo zili mu Bbaibbele izikonzya kupa kuti mukkomane mumukwasyi wenu.

Mulakonzya kulomba bbuku eeli lijisi mapeeji aali 192 kwiinda mukulemba kagwalo kali ansi aawa akukatumina ku kkeyala iitondezyedwe naa kukkeyala yeelede iili apeeji 5 mumagazini eeyi.