Bakubusi Balabuzya

Ino mbuti mbondikonzya kwaambaula abazyali bangu?

“Ndakasoleka kubaambila bazyali bangu kujatikizya mbondakali kulimvwa, pele cakandaalila kwaamba zyoonse—alimwi bakandijubizila akati. Ndakasolekesya kwaambaula ambabo, pele tiindakazwidilila!”—Rosa. *

CIINDI nookacili mwana, ambweni wakali kulundukila kubazyali bako kuti bakwaambile cakucita. Wakali kubaambila makani oonse, naaceya buti. Cakuliiba, wakali kubaambila zyoonse, alimwi wakali kulusyoma lulayo ndobakali kukupa.

Lino, ambweni ulimvwa kuti bazyali bako tabakonzyi kukumvwisya. Musimbi umwi wiitwa kuti Edie waamba kuti: “Buzuba bumwi nitwakali kulya cakulya camangolezya, ndakatalika kulila akwaambila bazyali bangu zyoonse zyakali mumoyo. Bakaswiilila, pele kunyina nibakatondezya kuti bazimvwa nzyondakali kwaamba.” Ino ncinzi cakatobela? “Ndakaide kuunka muŋanda mondakali koona alimwi ndakazumanana kulila.”

Kulubazu lumwi, ndiza zimwi ziindi inga uyeeya buyo kuti cilainda kubota kutabaambilida limwi zili mumoyo wako. Mulombwana umwi wiitwa kuti Christopher wakaamba kuti: “Ndilaambaula abazyali bangu kujatikizya twaambo tunji. Pele cilandikkomanisya kuti zimwi ziindi tabazizyibi zyoonse nzyondiyeeya.”

Sena cililubide kutabaambila zyintu zyoonse? Peepe—ikapati kuti kotalicengi. (Tusimpi 3:32) Nokuba boobo, kufwumbwa naa bazyali bako baboneka mbuli kuti tabakumvwisyi naa ulabasisila makani, kuli cintu comwe ncoelede kuzyiba: Weelede kwaambaula abazyali bako—alimwi beelede kumvwa kulinduwe.

Zumanana Kwaambaula!

Munzila zimwi, kwaambaula abazyali bako kuli mbuli kweenzya mootokala. Ikuti naa wajana kuti basilikani bajala nzila, tokonzyi kutyompwa pe; ulakonzya kwiinda kumbi. Kolanga-langa zikozyanyo zimwi.

Cisinkilizyo cakusaanguna: Uyanda kuti waambaule abazyali bako, pele balo baboneka mbuli kuti tabaswiilili. Musimbi umwi wiitwa kuti Leah wakaamba kuti: “Cilandikatazya kwaambaula abataata. Zimwi ziindi ndanikwaambaula ambabo bandibuzya kuti, ‘sena waambaula andime?’”

MUBUZYO: Ino mbuti kuti Leah kayandide kuti babandike kujatikizya penzi limwi? Kuli nzila zyotatwe nzyakonzya kusala kubelesya.

Nzila Yakusaanguna Nzila Yabili Nzila Yatatu

Kubabwentela bausyi. Leah Kutakata akuleka kwaambaula Kujana ciindi cibotu mpoonya

ulakonzya kwaamba kuti: abausyi. Leah ulakonzya kucileka akukaleta alimwi kaambo. Leah

“Kamulanga, eeci ncendaamba kusola kwaambila bazyali bakwe ulakonzya kwaambaula abausyi

ncamaano. Amundiswiilile!” kujatikizya mapenzi ngajisi. mulomo mpande, naa ulakonzya

kubalembela lugwalo kujatikizya

penzi lyakwe.

Ino njiili nzila njoyeeya kuti Leah njaelede kusala? ․․․․․

Atulange-lange nzila aimwi kutegwa tubone cikonzya kucitika kuti yatobelwa. Bausyi Leah bajisi zinji zyakucita—aboobo, tababwene kuti ulicimidwe. Ikuti wasala kubelesya Nzila yakusaanguna, balakonzya kugambwa buyo kuti watalika kubabwentela. Kubelesya nzila eeyi takukonzyi kupa kuti bausyi bamvwe nzyaamba, alimwi inga catondezya kuti tabalemeki bazyali bakwe. (Ba-Efeso 6:2) Masimpe ngakuti, kubelesya nzila eeyi takugwasyi.

Nokuba kuti Nzila yabili ilakonzya kuuba-uba, tiili yabusongo. Ino nkaambo nzi? Nkaambo kakuti “Makanze alasinkinizigwa na kwabula lulayo, pele na kuli basinkuta banji alazuzikizigwa.” (Tusimpi 15:22) Kutegwa azwidilile mukulwana mapenzi aakwe, Leah weelede kwaambaula abazyali bakwe—alimwi ikuti naa uyanda kuti bamugwasye, weelede kubaambila zyoonse zicitika mubuumi bwakwe. Ikuleka kwaambaula kunyina nokukonzya kumugwasya.

Ikuti wabelesya Nzila yatatu, Leah kunyina nakonzya kutakata akuleka kusola kwaambaula abazyali bakwe. Pele, ulasola kuleta mubandi aciindi cimbi. Alimwi ikuti naa wabalembela lugwalo bausyi, Leah ulakonzya kulimvwa kabotu mpoonya-mpoonya. Ikulemba lugwalo kulakonzya kumugwasya kuzyiba kabotu zyakwaamba ciindi bausyi nobaswiilila. Bausyi balubala lugwalo balakonzya kuzyiba ncaali kusola kubaambila, alimwi eeci cilakonzya kubapa kuti bakumvwisye kulilauka kwakwe. Aboobo, nzila yatatu ilabagwasya boonse, Leah alimwi abausyi.

Ino ninzila nzi azimbi Leah nzyakonzya kubelesya? Koyeeya nzila yomwe akwiilemba ansi aawa. Mpoonya, lemba cikonzya kucitika kuti naa waibelesya nzila eeyo.

․․․․․

 Cisinkilizyo cabili: Bazyali bako bayanda kuti mubandike, pele yebo toyandi. Imusimbi wazyina lya Sara waamba kuti: “Taaku cindicima mbuli cakuti mbondazwida buyo kucikolo, alimwi kandicikatede, ndisikila mumibuzyo. Ndiyanda kuti ndilube zyacitika kucikolo, pele bazyali batalika kundibuzya kuti: ‘Kwali buti kucikolo? Sena kuli mapenzi amwi ngoojana?’” Cakutadooneka, bazyali ba Sara bamubuzya boobu akaambo kakuti balamubikkila maano. Nokuba boobo walo waamba kuti: “Cilandikatazya kwaamba zyakucikolo ndanikukatede akunyongana mumizeezo.”

MUBUZYO: Ino ncinzi Sara ncakonzya kucita mubukkale oobu? Mbubwenya mbuli mucitondezyo cainda, kuli nzila zyotatwe nzyakonzya kusala.

Nzila Yakusaanguna Nzila Yabili Nzila Yatatu

Kukaka kwaambaula. Ulakonzya Kulisinikizya buyo kwaambaula. Kujana ciindi cibotu cakubandika

kwaamba kuti: “Kamundileka. Nokuba kuti Sarah ulikatede, makani aakucikolo, pele

Tandiyandi kwaambaula lino!” ulakonzya kulisinikizya kuvwiila wazumanana kubandika makani

mibuzyo yabazyali bakwe. aambi. Sarah ulakonzya kuti

kulomba makani aakucikolo baabandike

aciindi cimbi amana kulyookezya

akukkalikana mumizeezo. Mpoonya

cabulemu ulakonzya kwaamba kuti:

“Ino nywebo mwalibizya buti?”

Ino njiili nzila njoyeeya kuti Sarah njaelede kusala? ․․․․․

Alimwi, atulange-lange nzila aimwi kutegwa tubone zikonzya kucitika ikuti yabelesyegwa.

Katanasala Nzila yakusaanguna, Sarah ulipengede mumizeezo alimwi talibambilide kwaambaula. Amana kusala nzila eeyi, ulakonzya kuzumanana kupenga mumizeezo, pele alimwi ulausa akaambo kakubbodweda bazyali bakwe.—Tusimpi 29:11.

Muciindi eeci, bazyali ba Sarah balakonzya kunyema akaambo kakuti tanaabavwiila kabotu—naa akaambo kakuti tayandi kwaambaula ambabo. Balakonzya kumuyeeyela kuti kuli ncasisa. Balakonzya kusoleka canguzu kumubuzisisya kuti abaambile, calo cikonzya kumupa kuti aindile kunyema. Mubwini, nzila eeyi tiigwasyi.

Nzila yabili ilibonya mbuli kuti nimbotu kwiinda Nzila yakusaanguna. Kai Sarah abazyali bakwe balatalika kwaambaula. Pele mbokunga Sarah ulisinikizya buyo kwaambaula, walo abazyali bakwe kunyina nobakonzya kujana ncobayanda—kubandika cakulikwaya.

Ikubelesya Nzila yatatu kulakonzya kupa kuti Sarah akkomane nkaambo mubandi uujatikizya zyakucikolo ulabandikwa aciindi cimbi. Bazyali bakwe abalo balakonzya kukkomana akaambo kakuti wasolekesya kubandika ambabo. Nzila eeyi ilangilwa kuzwidilila nkaambo boonse babelesya njiisyo iijanika kulugwalo lwa Ba-Filipi 2:4, ilwaamba kuti: “Tamweelede kuyeeya kuligwasya nubeni luzutu, pe, umwi aumwi uleelede kwiingasila kugwasya mweenzinyina.”

Zibalo zimbi zyakuti “Bakubusi Balabuzya” zilakonzya kujanwa a intaneti akkeyala ya www.watchtower.org/ype

Bupanduluzi buyungizidwe

ZYAKUYEEYESYA

▪ Ino nkaambo nzi ncociyandika kapati kuzyiba ciindi cibotu cakubandika?—Tusimpi 25:11.

▪ Ino nkaambo nzi kubandika abazyali bako ncokugwasya?—Job 12:12.

[Kabbokesi/Zifwanikiso izili apeeji 18]

MILUMBE YIINDENE?

Sena cilakukatazya kubandika abazyali bako? Andiza zyintu nzyoamba balo bazimvwa bumbi.

Naa waamba kuti . . .

“Tandiyandi kuti tubandike lino.”

Bazyali bako bamvwa kuti . . .

“Makani aaya ndiyakwaabandika abeenzuma, alimwi tamweelede kuzyiba zicitika mubuumi bwangu”

Naa waamba kuti . . .

“Tamukonzyi kumvwisya.”

Bazyali bako bamvwa kuti . . .

“Mwacembaala alimwi tamuzizyi zyamazubaano. Kamulubako buyo nkaambo kunyina nomuyakuzimvisya zyintu zindicitikila.”

 [Kabbokesi/Zifwanikiso izili apeeji 21]

NZYOBAAMBA BAKUBUSINYOKO

“Ndakabaambila bazyali bangu kujatikizya penzi ndyondakajana kucikolo, alimwi ndakagambwa kuti bakandiswiilila nindakali kwaambaula. Bakandigwasya kulimana penzi kakunyina abuyumu-yumu pe.”—Natalie.

“Talili lyoonse nocili cuuba kubandika abazyali, pele ikuti wabaambila zyoonse nzyoyeeya, inga walimvwa kulemunukwa kapati.”—Devenye.

[Kabbokesi kali apeeji 21]

KUBAZYALI

Mbomuli bazyali babikkila maano, ambweni inga mulayeeya kuti naa bana benu cilabakatazya kubandika andinywe. Amubone twaambo ibakubusi bamwi ntobakaambila balembi ba Sinsimuka! kujatikizya ncobatayandili kubandika abazyali babo. Mpoonya amulibuzye mibuzyo iitobela, alimwi amwaabale magwalo aabikkidwe.

“Cilandikatazya kubaambila twaambo bataata nkaambo bajisi zyakucita zinji, kumilimo alimwi amumbungano. Tandijani ciindi cibotu cakubandika ambabo.”—Andrew.

‘Sena cakutazyiba nditondezya bana bangu bakubusi kuti tandijisi ciindi cakubandika ambabo? Ikuti kacili boobo, ino mbuti mbondikonzya kuba muntu uusikika? Ino nciindi nzi ncendini kubandika lyoonse abana bangu?’—Deuteronomo 6:7.

“Kumwi kandilila, ndakabaambila bamaama kujatikizya buyumu-yumu mbondakajana kucikolo. Ndakali kuyeeya kuti balandiyumya-yumya, pele muciindi caboobo bakandinyemena. Kuzwa leelyo tandinabaambilide kaambo kalikoonse kapati.”—Kenji.

‘Ino ndicita buti ciindi bana bangu nobandaambila mapenzi aabo? Nokuba kuti lulayo lulayandika, sena inga ndalizyibizya kusaanguna kuswiilila calubomba kanditana kupa lulayo?’—Jakobo 1:19.

“Cilibonya mbuli kuti lyoonse bazyali baamba kuti atubandike lino alimwi tatuko kunyema pe, nokuba boobo balanyema. Aboobo, mukubusi inga wabona kuti tabasyomeki.”—Rachel.

‘Ikuti mwanaangu wandaambila makani amwi aakonzya kundinyemya, ino mbuti mbondikonzya kulijata kutegwa nditalitondezyi kuti ndanyema?’—Tusimpi 10:19.

“Ziindi zinji bamaama nindakabaambila twaambo tumwi twamaseseke, balo bakaambila beenzinyina. Ndakaleka kubasyoma kwaciindi cilamfwu.” —Chantelle.

‘Sena ndilatondezya kuti ndilamubikkila maano mwanaangu kwiinda mukutaambila bantu twaambo twamaseseke ntwandaambila?’—Tusimpi 25:9.

“Ndijisi twaambo tunji ntondiyanda kubandika abazyali bangu. Inga ndiyanda buyo kuti bandigwasye kutalisya mubandi.” —Courtney.

‘Sena inga ndatalisya mubandi amwanaangu mukubusi? Ino nciindi cili buti cikonzya kweelela kubandika?’—Ecclesiastes 3:7.

 [Cifwanikiso icili apeeji 19]

Kwaalilwa kujana nzila yakubandika abazyali bako takweelede kukupa kutakata—ulakonzya kujana nzila imwi yakubelesya!