Kasimpe Kajatikizya Bwami bwa Leza
Jesu wakayiisya basikumutobela kupaila kuti: “Taateesu ooli kujulu, alisalazyigwe zina lyako. Abuboole Bwami bwako. Akucitwe kuyanda kwako ansi aano mbubonya mbuli kujulu.” (Matayo 6:9, 10) Ino Bwami bwa Leza ninzi? Ino ncinzi ncobucita? Alimwi nkaambo nzi ncotweelede kubupailila?
Jesu Mwami wa Bwami bwa Leza.
Luka 1:31-33: ‘Uyoomuulika zina lyakuti Jesu. Ooyu unooli mupati alimwi uyootegwa Mwana wa Mupatikampatila, alimwi Jehova Leza uyoomupa cuuno cabwami ca Davida usyi, eelyo unooli Mwami uuyoolela muŋanda ya Jakobo kukabe kutamani, alimwi Bwami bwakwe tabukamani.’
Makani ngaakali kukambauka kapati Jesu akali kujatikizya Bwami.
Matayo 9:35: “Jesu wakali kuyaabweenda muminzi yoonse amutunzi, kayaabuyiisya muzikombelo zyabo akukambauka makani mabotu aa Bwami, akuponya malwazi aamisyobo yoonse.”
Jesu wakapa basikwiiya bakwe citondezyo icakali kuyoobagwasya kuzyiba kuti Bwami bwakali afwaafwi kusika.
Matayo 24:7: “Nkaambo cisi ciyoobukila cisinyina abwami buyoobukila bwaminyina, alimwi kuyooba nzala amizuzumo yanyika mumasena aaindene-indene.”
Basikwiya ba Jesu lino balakambauka kujatikizya Bwami munyika yoonse.
Matayo 24:14: “Alimwi makani mabotu aa Bwami aaya ayookambaukwa munyika yoonse kuti bukabe bumboni kumasi oonse, mpoonya mamanino ayoosika.”
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Ino Bwami bwa Leza Ninzi?
Amulange-lange kaambo ncobusumpukide Bwami bwa Leza kwiinda mfwulumende zimbi zyoonse.
NJIISYO ZYAMU BBAIBBELE ZIYANDIKA
Ino Bwami bwa Leza Ninzi?
Mumulimo wakwe woonse, Jesu wakayiisya kapati kujatikizya Bwami bwa Leza kwiinda makani aambi. Kwamyaka minji, basikumutobela balikubupailila Bwami oobo kuti buboole.
