Munyika kuli kusulaikana kutaambiki. Bantu balatondezya lusulo munzila zisiyene-siyene. Mucikozyanyo, balakonzya kutondezya kuti balibasulaikide bamwi kwiinda mukubasalulula, kwaamba zintu zibi kujatikizya mbabo naa kubalwana buya. Pele sena kusulaikana kuli nokuyoomana? Zibalo zili mumagazini eeyi, zilatondezya Bbaibbele mbolikonzya kutugwasya kuleka kusulaika bamwi. Alimwi zilatondezya kuti Leza uyookumana kusulaikana mane kukabe kutamani.