“Abuze Bwami Bwako”—Mupailo Ngobapaila Cakwiinduluka-Induluka Bantu Banji
Sena kuli nomwakapailide kale kuti Bwami bwa Leza buboole? Kwamyaka minji, bantu banji bali kwaayinduluka majwi aakuti “Abuze bwami bwako.” Nkaambo nzi ncobaayinduluka majwi aaya? Nkaambo kakuti Jesu wakaambila basikumutobela kupailila Bwami bwa Leza.
Kumatalikilo, basikutobela Jesu tiibakazimvwisya zyoonse nzyaakaamba kujatikizya Bwami. Cimwi ciindi bakamubuzya kuti: “Mwami, sena ulapilusya Bwami ku Israyeli aciindi ecino?” Kweelede kuti bakagambwa ciindi Jesu naatakabapa bwiinguzi bugaminide. (Milimo 1:6, 7) Sena eeci caamba kuti kunyina notukonzya kubuzyiba Bwami bwa Leza alimwi aciindi nobuyooboola? Peepe, tacaambi boobo.
Magazini ya Ngazi Yamulindizi eeyi ilamugwasya kujana bwiinguzi bwamibuzyo eeyi iitobela:
Nkaambo nzi ncotuyandika Bwami bwa Leza?
Ino nguni Mwami wa Bwami bwa Leza?
Ino Bwami bwa Leza buyootalika lili kweendelezya nyika?
Ino Ncinzi Ncobuyoocita Bwami bwa Leza?
Nkaambo nzi ncotweelede kubugwasyilizya Bwami bwa Leza lino?
Ino Bwami bwa Leza ninzi?
Andiza Inga Mwaakkomanina Ayaaya
NGAZI YAMULINDIZI
Nkaambo nzi Ncotweelede Kupailila Bwami Bwa Leza Kuti Buboole?
Ino ncinzi ncobuyoocita Bwami eeco citakonzyi kucitwa amfwulumende zyabantu?
NJIISYO ZYAMU BBAIBBELE ZIYANDIKA
Ino Bwami bwa Leza Ninzi?
Mumulimo wakwe woonse, Jesu wakayiisya kapati kujatikizya Bwami bwa Leza kwiinda makani aambi. Kwamyaka minji, basikumutobela balikubupailila Bwami oobo kuti buboole.
MIBUZYO YAMU BBAIBBELE YAINGULWA
Sena Mupailo wa Mwami Nenzila Yiinda Kubota Yakupaila?
Sena mupailo wakuti Taateesu ngomupailo olikke ngwatambula Leza?
