Ino Bafwide Bajisi Bulangizi Nzi?
Lufwu lulatujatikizya toonse. Pele sena lufwu ngamamanino aazintu zyoonse? Sena bafwide tatukababoni alimwi? Sena kuli bulangizi buliko kujatikizya bafwide?
AMUBONE NCOLYAAMBA BBAIBBELE:
BAFWIDE TUYOOBABONA ALIMWI
‘Aabo boonse ibali muzyuumbwe . . . bayoozwa mulinzizyo.’—Johane 5:28, 29.
Leza ulibayeeyede bantu bafwide; aabo bali mumizeezo yakwe bayoobusyigwa akupona alimwi.
KUYOOBA BUBUKE ANYIKA
“Kuyooba bubuke bwabantu baluleme abataluleme.”—Milimo 24:15.
Mabbiliyoni aabantu bayoobusyigwa kabajisi bulangizi bwakupona mane kukabe kutamani muluumuno lunji.
BUBUKE BUYOOCITIKA NCOBENI
“[Leza] ulabala mweelwe wanyenyeezi; ulaziita zyoonse mazina aazyo.”—Intembauzyo 147:4.
Mbwaanga Leza ulakonzya kuziita mazina aanzizyo nyenyeezi zyoonse, nkokuti ulakonzya kubayeeya bantu boonse mbayoobusya.