Bumwi buzuba, mucizyi umwi waku New Zealand wakeebelela vidiyo yakuti “Amubikkilane Maano,” yalo yaamba Jehova mbwatagoleli buyo akuba alubomba, pele akulutondezya buya. (Is. 63:​7-9) Mpoonya wakayanda kuti azibelesye nzyaakaiya kwiinda mukugwasya bamwi. Buzuba mbubonya oobo naakali kuunka kukuula zintu, wakajana mukaintu umwi iwakali kwiingaila, kumane wakalisungula kumuulila cakulya. Mukaintu ooyu wakazumina. Ciindi mucizyi naakajoka kukuula cakulya, wakamukambaukila mukaintu ooyu kwiinda mukubelesya katulakiti kakuti Sena Kupenga Kuli Nokuyoomana?

Mpoonya mukaintu ooyu wakatalika kulila. Wakaamba kuti bazyali bakwe bakali Bakamboni alimwi bakamuyiisya kasimpe pele kunyina naakaunka ambele kumuuya. Nokuba boobo, wakali kupaila kuli Jehova kutegwa amugwasye kupiluka kulinguwe. Kumane mucizyi wakapa mukaintu ooyu Bbaibbele akupanga bubambe bwakuti batalike kwiiya. a

Mbubwenya mbuli Jehova, tulakonzya kutondezya lubomba kubantu boonse, kubikkilizya ababbululu besu alimwi abakwesu abacizyi mumbungano. Alimwi tulakonzya kulutondezya lubomba oolu kwiinda mukubakambaukila.