Tulamukomba Jehova ciindi notuswaangana abamwi kumiswaangano yambungano, yabbazu ayacooko alimwi aciindi notuli tolikke naa amukwasyi wesu. Njeeyi mizeezo imwi njomukonzya kubelesya nomucita ciiyo canu nobeni naa nomukomba mumukwasyi:

• Amulibambile miswaangano yambungano antoomwe. Mulakonzya kubikkilizya akwiiya nyimbo alimwi akugwasya banamukwasyi boonse kulibambila bwiinguzi.

• Amubale cibalo camu Bbaibbele. Mwamana kubala, amudulowe cifwanikiso citondezya cintu ncomwali kubala naa kulemba kaambo nkomwaiya.

• Amubale mupailo umwi uujanika mu Bbaibbele, mpoonya akubandika mboukonzya kumugwasya kuyaambele kujatikizya mipailo yanu.

• Amweebelele vidiyo imwi iijanika a jw.org mpoonya akwiibandika abamwi naa kulemba nzyomwaiya kuzwa muvidiyo.

• Amulibambile mulimo wamumuunda, ambweni akucita zitondezyo buya.

• Amweebelele zilenge akuzinzibala kuyeeya nzizyo naa kubandika ncozimuyiisya kujatikizya Jehova. a