Amubale Matalikilo 37:​23-28; 39:​17-23 kutegwa mwiiye kucikozyanyo ca Josefa cakuliyumya nomwacitilwa cakutalulama.

Amwaazyibe kabotu makani aayengelede. Ncinzi cakapa kuti Josefa ayendelezyegwe munzila iitali kabotu? (Matl. 37:​3-11; 39:​1, 6-10) Ino Josefa wakaliyumya kukutalulama kwaciindi cilamfwu buti? (Matl. 37:2; 41:46) Aciindi eeco, ncinzi Jehova ncaakacita kuli Josefa alimwi ino ncinzi ncaatakacita?—Matl. 39:​2, 21; w23.01 17 ¶13.

Amwiiye Zinji. Nokuba kuti nzyaakaamba mukaintu wa Potifara kujatikizya Josefa zyakali zyakubeja, Bbaibbele talitwaambili kuti Josefa wakaamba muka Potifara kuti wakali kubeja. Mbuti magwalo aatobela mbwaakonzya kutugwasya kuyeeya kaambo Josefa ncaakasala kuumuna buyo naa kaambo ncotuteelede kuyanda kuzyiba makani woonse aakajatikizyidwe aataambidwe mu Bbaibbele? (Tus. 20:2; Joh. 21:25; Mil. 21:37) Mbube nzi bulangilwa kuti mbobwakamugwasya Josefa kuliyumya kukutalulama?—Mik. 7:7; Lk. 14:11; Jak. 1:​2, 3.

Ncinzi ncotwiiya? Amulibuzye kuti:

• ‘Ino nkutalulama kuli buti nkondeelede kulangila mbwaanga ndili sikwiiya wa Jesu?’ (Lk. 21:​12, 16, 17; Heb. 10:​33, 34)

• ‘Ncinzi ncondeelede kucita lino kutegwa ndikacikonzye kuliyumya kukutalulama?’ (Int. 62:​7, 8; 105:​17-19; w19.07 2-7)