Ncinzi Cikonzya Kumugwasya Kusala?
“Tacidoonekwi kuti bubumbo bwakalilenga buya bulikke.”—Mbobakaamba ba Stephen Hawking aba Leonard Mlodinow, basyaazibwene mumakani aasayaansi, 2010.
“Leza wakalenga julu anyika.”—Mbolyaamba Bbaibbele ku Matalikilo 1:1.
Sena bubumbo alimwi azilenge zili mumo zyakalengwa buya aa Leza naa zyakalitalikila buyo? Majwi aabasyaazibwene bobilo ibaambwa atala aawa alimwi amajwi aali mulugwalo lwa Matalikilo 1:1 apa bwiinguzi bobilo bwiindene kapati kumubuzyo ooyu. Kuli bantu baisyoma mizeezo yoonse yobilo. Nokuba boobo, bantu banji tabazyi kabotu. Bantu balakazyanya kujatikizya makani aaya mumabbuku aazyibidwe kapati alimwi amumapulogilamu aa TV.
Ambweni bamayi banu kucikolo bakamwaambila kuti bubumbo abuumi zyakalitalikila buyo alimwi akuti kunyina Mulengi. Pele sena bakamupa bumboni butondezya kuti kunyina Mulengi? Kulubazu lumbi, ambweni mulakonzya kuti mwakamvwa basololi bazikombelo kabakambauka kuti kuli Mulengi. Pele sena bakamupa bumboni businizya kuti Mulengi nkwali ncobeni? Naa sena bakamwaambila kuti mweelede buyo kusyoma kuti nkwali nkaambo kayi bakamwaambila?
Kweelede kuti mwali kuyeeya kujatikizya makani aaya alimwi ambweni mulimvwa kuti kunyina uukonzya kwaamba masimpe naa Mulengi nkwali. Alimwi ambweni inga mwaba amubuzyo uumbi wakuti: Sena cilayandika ncobeni kubuzyiba bwiinguzi?
Magazini eeyi ya Sinsimuka! ilasaanguna kwaamba twaambo tumwi twamasimpe itwapa bantu banji kusyoma kuti Mulengi nkwali. Mpoonya ilabandika kaambo ncobuyandika kapati bwiinguzi bwamubuzyo ooyu uujatikizya mbobwakatalika buumi anyika.
Andiza Inga Mwaakkomanina Ayaaya
TWAAMBO TUMWI
Ino Buumi Bwakatalika Buti?
Bwini mbwakuti, bunji bwabantu bayiide kubikkilizya abasayaansi ibali mbobabede tabauzumini muzeezo wakusanduka.
MIBUZYO YAMU BBAIBBELE YAINGULWA
Sena Zintu Zipona Ziliko Zyakasanduka Buya?
Bbaibbele talibakazyi basayaansi ibaamba kuti kuli misyobo iindene-indene yacintu comwe.
BAKUBUSI BALABUZYA
Kulenga naa Kusanduka?—Cibeela 1: Nkaambo Nzi Ncondisyoma Muli Leza?
Sena inga mwayanda kuzyiba mbomukonzya kupandulula calusinizyo ikaambo ncomusyoma muli Leza? Amubone cikonzya kumugwasya kwiingula kuti muntu wamubuzya kujatikizya nzyomusyoma.
TUPANGO TWAMU BBAIBBELE TWAPANDULULWA
Lugwalo lwa Matalikilo 1:1 Lwapandululwa—“Kumatalikilo, Leza Wakalenga Julu Anyika”
Ino ntwaambo nzi tobilo twamasimpe twaambidwe mucibalo eeci cakusaanguna mu Bbaibbele?
KUJATIKIZYA NDISWE
Amulombe Kuswaigwa
Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.
