MAKANI AAYEEME AMUTWE UULI ACIVWUMBYO
Mbomukonzya Kweendelezya Zilengwa Zyanu
-
CIINDI alamu yankoloko yaba Austin noitalika kulila, inga baciyanda koona. Pele balabuka cakufwambaana akusama zisani nzyobabelesya ciindi nobanyanyaasya mubili zyalo nzyobakabikkila limwi busiku bwainda, mpoonya akuunka kuyoozuza kwaciindi cisyoonto—mbubwenya mbobali kucita kuzwa mwaka wainda ziindi zyotatwe ansondo.
-
Ba Laurie bali kulwana abalumi babo. Kabacinyemede alimwi akucimwa, banjila muncikini akubweza kapakete kamaswiiti aaccokoleti akwaalya woonse—mbubwenya mbuli mbobacita lyoonse kuti banyema.
Ino bukkale bwaba Austin abwaba Laurie bukozyenye buti? Kufwumbwa naa balizyi naa pe, boonse bobilo beendelezyegwa acintu cimwi cijisi nguzu, nkokuti cilengwa.
Ino mbuti kujatikizya ndinywe? Sena kuli zilengwa zibotu nzyomuyanda kunootobela mubuumi bwanu? Ambweni mujisi mbaakani yakunoonyanyaasya mubili lyoonse, kuba aciindi cinji cakoona, naa kunoobandika-bandika abayandwa banu.
Kulubazu lumwi, ambweni muyanda kuleka cilengwa cimwi citali kabotu, mbuli kufweba, kuciindizya kulya zilyo zitali kabotu izikonzya kunyonganya buumi bwanu, naa kubelesya Intaneti kwaciindi cilamfwu.
Mubwini, tacili cuuba-uba kuleka cilengwa citali kabotu. Kayi kwaambwa kuti cilengwa citali kabotu cili mbuli kunjila mungubo zikasaala ciindi nokutontola: ncuuba-uba kunjila pele cilakatazya kuzwa!
Aboobo mbuti mbomukonzya kweendelezya zilengwa zyanu kutegwa zimugwasye muciindi cakumuletela mapenzi? Amulange-lange mizeezo yotatwe iitobela iiyeeme anjiisyo zyamu Bbaibbele.
Andiza Inga Mwaakkomanina Ayaaya
NGAZI YAMULINDIZI
Kufweba
Nkaambo nzi ncolyazumanana penzi eeli nokuba kuti basolekesya kulimana?
SINSIMUKA!
Sena Mwiibelesya Cabusongo Mincini Iisumpukide Yakutuminana Twaambo?
Amulilingule kwiinda mukwiingula mibuzyo eeyi yone.
