Icilengwa Ciyandika Kapati Mubuumi

LWAKALI lufwu lwa Jesu Kristo. Ino nkaambo nzi ncolwakali kuyandika kapati boobu? Lwakali kuyandika munzila zinjaanji.

Ikuliyumya kwa Jesu kusikila kulufwu, cakatondezya kuti muntu ulakonzya kusyomeka kuli Leza.

Lufwu lwa Kristo lwakapa coolwe bamwi bantu akuti bakabe basikulelanyina kujulu. Alimwi lwakajalula nzila kubantu banji abamwi kutegwa bakabe abuumi butamani muparadaiso anyika.

Mangolezya aayo katanafwa, Jesu wakabelesya cinkwa citajisi mimena alimwi awaini uusalala kazili zikonzyanyo zyazipaizyo zyaluyando kubantu. Alimwi wakabaambila basikwiiya bakwe kuti: “Amukacite obo kuti mukandiyeeye.” (Luka 22:19) Sena muya kuciyeeya cilengwa caamwaka eeci ciyandika kapati?

Bakamboni ba Jehova bamutamba kuti mukajanike antoomwe ambabo ku Ciibalusyo calufwu lwa Jesu. Uuno mwaka ciya kucitwa muli Bwane, March 28 lyaakubbila buyo zuba. Mulakonzya kujanika ku Ŋanda ya Bwami iili afwiifwi ankomukkala. Amubabuzye Bakamboni ba Jehova iba nkomuzwa kuti bamwaambile ciindi cini-cini abusena buyooswaanganinwa.