Kulangaula Kuliiba Kwamumizeezo
Kulangaula Kuliiba Kwamumizeezo
ALBERT wakali musankwa wakajisi lukwatano lubotu alimwi wakalijisi abana bobilo bataliboteli. Pele wakalimvwa kuti kwakali cintu cimwi cakabulide mubuumi bwakwe. Imazuba ngaakali kulangaula mulimo, wakanjila mutwaambo twacisi alimwi wakabikka ampela muzeezo wakuti makwebo aacisi kaayendelezyegwa amfwulumende. Alimwi buya wakaba musungu munkamu yeendelezya zintu zyoonse zyamucisi mucilawo mwakkala.
Nokuba boobo tiicakatola ciindi, Albert yakamutyompya nkamu eeyi. Makanze ngaakajisi aatwaambo twacisi wakaaleka eelyo wakabikkila buyo maano kumukwasyi wakwe. Ikubona kwaamba kuti bamukwasyi wakwe bakali kkomenyi, akaba ngamakanze aakwe mubuumi. Nokuba boobo, Albert wakacili kulimvwa kuti kwakali cintu cakabulide; kuliiba kwamumizeezo kwini-kwini kwakamukatazya kukumvwisya mbokubede.
Icakamucitikila Albert, cilacitika akubanji. Kutegwa babe abuumi bwini-bwini, tuulunzuma twabantu twasola nzila zinji mbuli zyabukkale bwabantu, zyabusyaabusongo azyabukombi. Mumasi aasumpukide, nkamu yabakubusi bazangi bakapona muma 1960 yakali kukazyanya azyeelelo zyamucisi zyambokuponwa. Ikapati bakubusi, bakalangaula nzila zikonzya kubapa kukkomana alimwi akuba abuumi buli kabotu. Bakacita oobo kwiinda mukubelesya misamu iikola yalo iinyonganya kuyeeya, kuyiisya kwabasyaabusongo bankamu eeyi ibakali kwiitwa kuti basyaazibwene alimwi abapaizi bapati. Nokuba boobo, bakubusi aaba bazangi bakaalilwa kweeta lukkomano lwini-lwini. Muciindi caboobo cakaile kubapa kutalika kupanga misamu iikola alimwi akupa kuti bakubusi kabaile koonana coonane-onane, calo cakatola ansi kulilemeka munyika.
Luka 12:15) Aboobo, kuba amakanze aakuyanda kuba alubono, kanji kuletela mause. Ibbaibbele lyaamba kuti: “Abo bayandisya kuvuba balawida mukutepaulwa amukuteegwa amuzisusi zibi zinji zyabufubafuba zibisizya buumi akubbizya bantu mukunyonyauka amukusweeka. Nkaambo kuyandisya lubono ngomuyanda wabubi boonse, eno nkaambo kakuluyandisya bamwi ncobaleela kulusyomo, elyo zyabajaya insoni zinjizinji.”—1 Timoteo 6:9, 10.
Kwamyaanda yamyaka, banji bali kuyeeya kuti balakonzya kukkomana kwiinda mukuba alubono, bweendelezi, naa lwiiyo. Ikulangaula kwiinda munzila zili boobu, kuletela buyo kutyompokelwa. Jesu wakati: “Buumi bwamuntu tabuzwi kukuvuba kwazintu nzyajisi.” (Aboobo, ino mbuti muntu mbwakonzya kukujana kuliiba kwamumizeezo akuba abuumi bwini-bwini? Hena ncintu buyo cakwiile kusola nzila eeyi ayeeyi mbuli muntu uusoola mucoonde? Nee tabusyi oobo. Mbweena mbotulaabone mucibalo ciccilila, kuli bwiinguzi bukondelezya alimwi buyandika kapati kubantu.
[Cifwanikiso icili apeeji 3]
Hena kuyandaula lubono, bweendelezi, naa lwiiyo inga kwamugwasya kujana kuliiba kwamumizeezo?