Majwi Aa Jesu Aabujatikizye Bukkale Bwenu
Majwi Aa Jesu Aabujatikizye Bukkale Bwenu
“Oyo ngwaakatuma Leza nguuamba majwi aa-Leza.”—JOH. 3:34.
1, 2. Ino majwi aa Jesu aali mu Mulumbe waa Cilundu inga akozyanyisyigwa kunzi, alimwi ino nkaambo nzi ncotukonzya kwaamba kuti akayeeme “[a]majwi aa-Leza”?
MAJWI aa Jesu ngaakaamba mu Mulumbe waa Cilundu, alayandika kapati ikwiinda bbwe ilya diamond naa bbwe liyandisi lili lyoonse. Eeci tacigambyi akaambo kakuti majwi aa Jesu akazwa kuli Jehova. Kujatikizya Jesu, Bbaibbele lyaamba kuti: “Oyo ngwaakatuma Leza nguuamba majwi aa-Leza.”—Joh. 3:34-36.
2 Nokuba kuti Mulumbe waa Cilundu ulakonzya kuti wakakananwa kwaciindi citasiki kucisela cawoola, ujisi twaambo tuli 21 tuzubulwidwe kuzwa mumabbuku aali lusele mu Magwalo aa Chihebrayo. Aboobo, wakayeeme kapati “[a]majwi aa-Leza.” Lino atulange-lange mbotukonzya kubelesya majwi mayandisi aaya aali mumulumbe mubotu kapati wa Mwana wa Leza uuyandwa.
“Ukasaangune Kuyanzana Amunyoko”
3. Jesu naakamana kucenjezya basikwiiya bakwe kujatikizya bubi bwakunyema, ino ndulayo nzi ndwaakabapa?
3 Mbotuli Banakristo, tulikkomene alimwi tuli basiluumuno akaambo kakuti tujisi muuya uusalala wa Leza, alimwi micelo yawo ibikkilizya lukkomano aluumuno. (Gal. 5:22, 23) Jesu taakwe naakali kuyanda kuti basikwiiya bakwe basweekelwe luumuno alimwi alukkomano ndobakajisi, aboobo wakabacenjezya kujatikizya bubi bwakunyema kwaciindi cilamfwu. (Amubale Matayo 5:21, 22.) Amane wakaamba kuti: “Nkaambo kaako kuti koli mukutuula cipo cako acipaililo, nkabela awo waibulukwa kuti munyoko ulijisi kaambo kulinduwe, usie cipo cako nkukonya oko kunembo lyacipaililo, uye, ukasaangune kuyanzana amunyoko, elyo musule uboole kuzootuula cipo cako.”—Mt. 5:23, 24.
4, 5. (a) Ino “cipo” ncaakaamba Jesu mumajwi aali kuli Matayo 5:23, 24 ncinzi? (b) Ino kubamba luumuno amukwesu ngotwalubizyila kuyandika buti?
4 “Cipo” ncaakaamba Jesu ncipaizyo cili coonse icakali kutuulwa kutempele mu Jerusalemu. Mucikozyanyo, zituuzyo zyabanyama zyakali kuyandika kapati akaambo kakuti ciindi ciya, zyakali cibeela cabukombi mbobakali kucita bantu ba Jehova kulinguwe. Nokuba boobo, Jesu wakakankaizya cimwi cintu ciyandika kapati—kubamba luumuno amunyina ngwaalubizyila katanatuula cipaizyo kuli Leza.
5 Aboobo, ino ncinzi ncotukonzya kwiiya kumajwi ngaakaamba Jesu? Masimpe, mbotukkala abantu bambi kulacijatikizya kapati cilongwe cesu a Jehova. (1 Joh. 4:20) Inzya, zituuzyo zyakali kupegwa kuli Leza mumazuba aakaindi zyakanyina mpindu ikuti naa muntu iwakali kutuula tanaakali kukkala kabotu abeenzinyina.—Amubale Mika 6:6-8.
Tweelede Kulibombya
6, 7. Ino nkaambo nzi kulibombya ncokuyandika ciindi notusoleka kubamba luumuno amukwesu ngotwalubizyila?
6 Kubamba luumuno amukwesu ngotwalubizyila kulakonzya kusunka kulibombya kwesu. Bantu balibombya tabakazyanyi abasyominyina mukusola kubona kuti nguni uuluzi. Kukazyanya kulakonzya kupa kuti kube kutamvwana—bukkale bwalo ibwakaliko ciindi cimwi akati ka Banakristo baku Korinto yansiku. Kujatikizya bukkale oobu, mwaapostolo Paulo wakaamba kaambo ikapa kukkala aansi kuyeeya naakati: “Ncintu cibi kulindinywe kusesana umwi mweenzinyina naaba kaniini. Sa taciindi kubota kuti mubisizigwe buyo? Sa taciindi kubota kuti muondongwe buyo?”—1 Kor. 6:7.
7 Jesu tanaakaamba kuti tweelede kuunka kumukwesu kuyoomutondezya kuti swebo tuliluzi walo ulilubizyide. Makanze eesu ayelede kuba aakutalika kumvwana alimwi muluumuno. Kutegwa tubambe luumuno, tweelede kwaamba masimpe kujatikizya mbotulimvwa. Alimwi tweelede kuzumina kuti twamucisizya moyo mweenzuma. Ikuti naa ndiswe twalubizya, cakulicesya tweelede kulilekelela ncobeni.
“Ikuti Liso Lyako Lyalulyo Lyakulebya”
8. Mubufwaafwi, amwaambe ncaakaamba Jesu kuli Matayo 5:29, 30.
8 Mu Mulumbe wakwe waa Cilundu, Jesu wakapa lulayo lubotu mumakani aakulilemeka. Wakalizyi kuti zizo zyamibili yesu zitalondokede zilakonzya kutuyunga munzila mbyaabi. Aboobo, Jesu wakati: “Nkabela kuti liso lyako lyalulyo lyakulebya, uligwisye, ulisowe, nkaambo kulakubotela kuti ufwidwe cipanzi Mt. 5:29, 30.
comwe kwiinda kusowelwa mu-Gehena mubili wako woonse. Alimwi kuti ijanza lyako lyalulyo lyakulebya, ulikosole, ulisowe, nkaambo kulakubotela kuti ufwidwe cipanzi comwe kwiinda kusowelwa mu-Gehena mubili wako woonse.”—9. Ino mbuti “liso” naa “janza” lyesu mbolikonzya ‘kutulebya’?
9 “Liso” ndyaakaamba Jesu liiminina nguzu zyakubikkila maano kucintu cimwi, mpoonya “janza” lyaamba zyintu nzyotucita amaanza eesu. Ikuti twatacenjela, zizo eezyi zyamubili wesu zilakonzya ‘kutulebya’ akutupa kuti tuleke “kweenda a-Leza.” (Matl. 5:22; 6:9) Aboobo, ciindi notusunkwa kuti tuleke kumvwida Jehova, tweelede kubweza ntaamu, ikugwisya liso naa kukosola janza munzila yacikozyanyo.
10, 11. Ino ncinzi cikonzya kutugwasya kutegwa tukutantamuke kutalilemeka mumakani aakoonana?
10 Ino mbuti mbotukonzya kukasya meso eesu kukulangilila zyintu zitaluzi? Mwaalumi uuyoowa Leza, Jobu, wakaamba kuti: “Ndabika lukasyo ameso aangu, elyo awalo musimbi teendakamulanga.” (Job. 31:1) Jobu wakali muntu uukwete walo iwakakanzide kutasotoka milawo ya Leza yakulilemeka. Oobu mbotweelede kuba andiswe kufwumbwa naa tulikwete nokuba kukwatwa naa pe. Kutegwa tukutantamuke kutalilemeka mumakani aakoonana, tweelede kusololelwa amuuya uusalala wa Leza, walo uupa bantu ibamuyanda Leza kuba abube bwakulyeendelezya.—Gal. 5:22-25.
11 Kutegwa tukutantamuke kutalilemeka mumakani aakoonana, inga twacita kabotu kulibuzya kuti: ‘Sena ndizumizya meso aangu kundipa kutalika kunyomenena makani aakutalilemeka aajanwa mumabbuku, acipekupeku naa a Intaneti?’ Alimwi atuyeeye majwi aaya aasikwiiya Jakobo aakuti: “Muntu ulatepaulwa na alengawidwa akoongwa kuzisusi zyakwe mwini. Eno zisusi zyamita buyo, zilazyala zibi, azyalo zibi zyakomena zilatumbuka lufu.” (Jak. 1:14, 15) Masimpe, ikuti muntu uulyaabide kuli Leza ulazumanana ‘kulangilila’ muntu uutali musankwanyina naa musimbinyina kajisi mizeezo yabwaamu, weelede kucinca cakutasowa ciindi mbuli kuti wagwisya liso akulisowa.—Amubale Matayo 5:27, 28.
12. Ino ndulayo nzi ndwaakapa Paulo ilukonzya kutugwasya mukulwana zisusi zyakutalilemeka?
12 Ikutabelesya kabotu maanza eesu kulakonzya kutupa kuubya-ubya zyeelelo zya Jehova zyakulilemeka, aboobo tweelede kukanza kuzumanana kusalala mukulilemeka. Tweelede kutobela lulayo lwa Paulo lwakuti: “Muleelede kufwidwa zizo zyanu zyaansi. Amuleke bwaamu abusofwaazi amujamuja azisusi zibi akulikumbuzya (ncintu comwe akukomba mituni).” (Kol. 3:5) Ibbala lyakuti “kufwidwa” likankaizya ntaamu nzyotweelede kubweza cakusinizya mukulwana zisusi zyanyama zyakutalilemeka.
13, 14. Ino nkaambo nzi ncociyandika kapati kutaba amizeezo alimwi amicito iitasalali?
13 Muntu ulakonzya kuzumina kunyongolwa janza naa kuulu abasilisi kutegwa azumanane kupona. ‘Ikusowa’ meso naa maanza munzila yacikozyanyo kulayandika kutegwa tuleke mizeezo amicito iitasalali yalo iikonzya kupa kuti tutakkomaninwi a Jehova. Kuzumanana kusalala mumizeezo, mukulilemeka alimwi akumuuya nenzila ilikke iikonzya kutupa kufwutuka lunyonyooko lutamani lwalo lwiimininwa a Gehena.
14 Akaambo kacibi akutalondoka nzyotwakakona, kuzumanana kusalala mukulilemeka kuyandika kusolekesya. Paulo wakaamba kuti: “Ndaumisya loko mubili wangu, ube muzike wangu, kutabi kuti, ndamana kukambaukila bamwi, ime ndemwini ndaba musowe.” (1 Kor. 9:27) Aboobo atukanze kutobela lulayo lwa Jesu mumakani aakulilemeka, kutazumina kucita cili coonse icitondezya kutalumba cituuzyo cakwe cacinunuzyo.—Mt. 20:28; Heb. 6:4-6.
“Amupe”
15, 16. (a) Ino mbuti Jesu mbwaakapa cikozyanyo cabwaabi? (b) Ino majwi aa Jesu aalembedwe kuli Luka 6:38 apandulula nzi?
15 Majwi aa Jesu alimwi acikozyanyo 2 Ba-Korinto 8:9.) Cakulisungula, Jesu wakasiya bulemu bwakujulu kutegwa azoobe muntususu akwaaba buumi bwakwe akaambo kabantu basizibi, bamwi akati kabo ibakali kuyooba balelinyina kujulu mu Bwami. (Rom. 8:16, 17) Alimwi Jesu wakakulwaizya bwaabi naakaamba kuti:
cakwe zikulwaizya muuya wabwaabi. Wakatondezya muuya wabwaabi kwiinda mukuboola anyika kutegwa bantu batalondokede bagwasyigwe. (Amubale16 “Amupe, anywebo munooyoopegwa. Kuyoopedwa mucamba canu iceelelo cibotu cisindaidwe, cuumidwe-umidwe, cizywide mwa. Nkaambo ceelelo ncomweelela bamwi, anywebo muyooelelwa nciconya.” (Lk. 6:38) Majwi aakuti “kuyoopedwa mucamba” aamba cilengwa cabasambazi bamwi icakuzuzya nkomo yakali kucisani cakucamba casikuula. Kwiinda mukwaabila bamwi cabuuya, tulakonzya kutambula ceelelo cibotu, ambweni notuli mumapenzi.—Muk. 11:2.
17. Ino mbuti Jehova mbwaakapa citondezyo cibotu cakwaaba, alimwi ino mbwaabi buli buti ibutuletela lukkomano?
17 Jehova ulabayanda alimwi akubalongezya boonse ibapa cakukondwa. Walo wakapa cikozyanyo cibotu kwiinda mukupa Mwanaakwe simuzyalwa alikke “kuti umwi umwi uumusyoma atafwidilili, pele abe abuumi ubutamani.” (Joh. 3:16) Paulo wakalemba kuti: “Oyo uubyala cakuvuzya ulatebula cakuvuzya. Umwi aumwi uleelede kupa mbuli mbwayanda mumoyo wakwe, kutabi cakunyonosya moyo nanka cakusinikizigwa, nkaambo oyu uupa calumwemwe nguuyandwa kwa-Leza.” (2 Kor. 9:6, 7) Kupa ciindi cesu, nguzu alimwi azyintu zyakumubili mukutola ambele bukombi bwakasimpe kuletela lukkomano azilongezyo zinji.—Amubale Tusimpi 19:17; Luka 16:9.
‘Mutasibi Impeta Kubusyu Bwanu’
18. Ino ndilili notutakonzyi ‘kuba abulumbu’ kuli Taateesu wakujulu?
18 “Amucenjele kuti mutaciti milimo yanu iiluleme kumeso aabantu kuti mweebelwe ambabo. Mwacita boobo, tamukwe bulumbu kuli-Usowanu uuli kujulu.” (Mt. 6:1) Kwiinda mukwaamba kuti ‘milimo iiluleme,’ Jesu wakali kwaamba kulilemeka kweelana ambwayanda Leza. Tanaakapandulula kuti milimo yabunaleza tayeelede kucitwa mubuleya, nkaambo wakalaambide kuli basikwiiya bakwe kuti “mumuni wa[bo] umunike kunembo lyabantu.” (Mt. 5:14-16) Pele ‘tatukabi abulumbu’ kuli Taateesu wakujulu ikuti katucita zyintu “kuti [t]weebelwe” alimwi akulombozyegwa, mbuli basicisobano basobana mubbuwa lyakusobanina. Ikuti katujisi makanze aali boobu, tatukabi acilongwe a Leza naa zilongezyo zyabulelo bwa Bwami.
19, 20. (a) Ino Jesu wakali kupandulula nzi naakaamba zyakutasiba impeta “ciindi nco[twa]abila bantu zipo”? (b) Ino mbuti mbotutazyibyi janza lyalumwensi ncolicita janza lyalulyo?
Mt. 6:2) “Zipo” zyakali zyakusanga zyakali kusangwa kugwasyilizya bapengede. (Amubale Isaya 58:6, 7.) Jesu abaapostolo bakwe bakajisi ciyobwedo camali aakugwasyilizya bapengede. (Joh. 12:5-8; 13:29) Akaambo kakuti bantu ibakali kugwasya bapengede tiibakali kusiba impeta ciindi nobakali kupa, Jesu wakabelesya maambilambali naakaamba kuti ‘tutasibi impeta ciindi ncotwaabila bantu zipo.’ Tatweelede kwaambilizya kubantu kujatikizya zipo zyesu mbuli bwakali kucita ba Falisi iba Juda. Jesu wakabaita kuti basikuupaupa ameso akaambo kakuti bakali kwaambilizya zyakusanga zyabo “muzikombelo amumigwagwa.” Basikuupaupa ameso aaba bakali kujana “kale bulumbu bwabo.” Kulumbaizyigwa abantu alimwi akukkala afwaafwi abamayi muzyuuno zyakumbele muzikombelo mbobulumbu mbobakali kujana, nkaambo Jehova kunyina ncaakali kubapa. (Mt. 23:6) Pele, ino mbuti basikwiiya ba Kristo mbobakeelede kucita? Jesu wakabaambila—andiswe ulatwaambila—kuti:
19 Ikuti katujisi makanze mabotu, tuyootobela lulayo lwa Jesu lwakuti: “Nkaambo kaako ciindi ncoabila bantu zipo utasibi impeta kubusyu bwako mbuli mbubacita basikuupaupa ameso muzikombelo amumigwagwa, kuti batembaulwe kubantu. Ncobeni ndamwaambila kuti balijene kale bulumbu bwabo.” (20 “Pele webo, ciindi ncoabila bantu zipo, ijanza lyako lyacimwensi litazibi mbulicita lyalulyo, kuti zipo zyako zibe kumbali, lino Uso uubonena kumbali uzookulumbula.” (Mt. 6:3, 4) Maanza eesu kanji-kanji abelekela antoomwe. Aboobo, kutazyibya janza lyalumwensi ncolicita janza lyalulyo, caamba kuti ciindi notupa zipo, tatweelede kwaambilizya kubantu boonse nokuba kuli baabo ibali afwaafwi kapati andiswe mbomunya mbuli janza lyalumwensi mbolibede kuzwa kujanza lyalulyo.
21. Ino kulumbulwa ayooyo “Uubonena kumbali” kubikkilizya nzi?
21 Ikuti katutalisumpuli kujatikizya zyintu nzyotupa bantu, nkokuti “zipo” zyesu zilaba zyakumbali naa kutabonwa kubantu. Mpoonya Taateesu “uubonena kumbali” naa uubona zyintu zitalibonyi kubantu uzootulumbula. Mbwali kujulu alimwi mbwatalibonyi kubantu, Taateesu wakujulu ulazumanana kuba “kumbali” naa ‘kutabonwa’ kubantu. (Joh. 1:18) Kulumbulwa ayooyo “uubonena kumbali” kubikkilizya kuba acilongwe a Jehova, kulekelelwa zibi zyesu alimwi akuyoopegwa buumi butamani. (Tus. 3:32; Joh. 17:3; Ef. 1:7) Elo kaka oobu mbulumbu bubotu kapati kwiinda kulumbaizyigwa abantu!
Majwi Mayandisi Aayelede Kukkomaninwa
22, 23. Ino nkaambo nzi ncotweelede kwaakkomanina majwi aa Jesu?
22 Masimpe, Mulumbe waa Cilundu ujisi mabwe mayandisi aakumuuya alo aajisi zibeela zinji zibotu. Cakutazumbauzya ujisi majwi mabotu kapati alo aakonzya kutuletela lukkomano nomuba munyika yamapenzi eeyi. Inzya, tuyookkomana ikuti katwaakkomanina majwi aa Jesu akwaazumizya kuti ajatikizye mbotuzibona zyintu alimwi abukkale bwesu.
23 Muntu uuli woonse “uuswiilila” alimwi “akwaacita” majwi aa Jesu uyoolongezyegwa. (Amubale Matayo 7:24, 25.) Aboobo atukanze kulutobela lulayo lwa Jesu. Majwi aakwe aambi ngaakaamba mu Mulumbe waa Cilundu ayoobandikwa mucibalo camamanino mumulongo wazibalo eezyi.
Ino Inga Mwaingula Buti?
• Ino nkaambo nzi ncociyandika kapati kubamba luumuno amukwesu ngotwalubizyila?
• Ino mbuti mbotukonzya kutalebwa ‘aliso lyesu lyalulyo’?
• Ino tweelede kuba amuuya uuli buti kujatikizya zipo?
[Mibuzyo yaciiyo]
[Cifwanikiso icili apeeji 11]
Elo kaka ncibotu kapati “kuyanzana” naa kubamba luumuno amukwesu ngotwalubizyila!
[Zifwanikiso izili apeeji 12, 13]
Jehova ulabalongezya aabo bapa cakukondwa