Sena Muciyeeyede?

Sena cakamukkomanisya kubala mamagazini aa Ngazi Yamulindizi aalino-lino? Amubone naa inga mwayiingula mibuzyo eeyi iitobela:

• Ino Leza wakatuma mungelo nzi kuti asololele bana Israyeli kuti bazwe mu Egipita? (Kul. 23:20, 21)

Cileelela kusyoma kuti imungelo wakajisi ‘zyina lya Jehova mulinguwe’ wakali Mwana Leza mutaanzi walo wakazi kuba Jesu.—9/15, page 21.

• Kujatikizya bukombi bwakasimpe, ino nkulitamizya kuli buti nkwatatambuli Leza?

‘Cilakatazya kapati. Tandiyandi. Ndijisi bubi. Tandeeleli. Kuli wakandityompya.’ Ootu tatuli ntotwaambo tukonzya kutulesya kutobela milawo ya Leza.—10/15, peeji 12-15.

• Ino ninzila nzi zikonzya kupa kuti Miswaangano ya Banakristo kaimuyaka moonse?

Amulibambilile limwi. Kamujanika lyoonse. Amusike kakucili ciindi. Kamujisi zyoonse ziyandika nomuboola. Amuzitantamuke zinyonganya. Amutole lubazu. Amupe bwiinguzi bufwaafwi. Amupe makani aanu. Amubalumbaizye batola lubazu. Amuyanzane kaitanatalika miswaangano anoyamana.—10/15, peeji 22.

• Ino ncinzi ncotwiiya kukuyungwa kwa Aroni?

Musa naatakaliko, bana Israyeli bakaambila Aroni kuti abapangile leza. Wakacita oobo. Eeci citondezya kuti kuyungwa takuli kwabakubusi balikke. Cilakonzya kubajatikizya abapati bayanda kucita ziluzi. Tatweelede kuyungwa abalongwe babi.—11/15, peeji 8.