MIBUZYO YABASIKUBALA

Sena bana Israyeli bakali kujaya zigwebenga kwiinda mukuzyaanzika azisamu?

▪ Kaindi zisi zinji zyakali kujaya zigwebenga zimwi kwiinda mukuzigagaila acisamu. Bana Roma bakali kwaangilila naa kugagaila muntu uuli boobo kucisamu, kwalo nkwaakali kukonzya kukkala kacipona kwamazuba aali mbwaabede kusikila wafwa akaambo kakucisa, nyota, nzala alimwi akaambo kazyintu zimwi mbuli zuba, mpeyo naa mvwula. Bana Roma bakali kubona kuti kugagailwa acisamu cakali cisubulo cijazya nsoni icakali kweelela buyo kupegwa kuzigwebenga.

Mbuti kujatikizya bana Israyeli? Sena bakali kujaya zigwebenga kwiinda mukuzyaanzika azisamu? Mulawo wa Musa wakali kwaamba kuti: ‘Naa muntu wacita cibi ceelede lufu, alimwi wajaigwa, eelyo mwamwaanzika acisamu, mutunta wakwe taweelede kusiigwa acisamu masiku oonse, pe; muleelede kumuzikka buzuba oobo mbubonya.’ (Dt. 21:22, 23) Aboobo, cilasalala kuti ciindi Magwalo aa Chihebrayo naakali kulembwa, muntu iwakali kweelela lufwu wakali kusaanguna kujaigwa kumane wakali kwaanzikwa acisamu.

Kujatikizya makani aaya, lugwalo lwa Levitiko 20:2 lwaamba kuti: “Kufumbwa muntu wabana ba-Israyeli, na wabeenzu bakalakala akati kaba-Israyeli, uupa bana bakwe kukupaizya Moleki, ncobeni oyo muntu uleelede kufwa. Bantu bacisi bamufuse mabwe.” Aabo bakajisi “muuya wabusangu na wabusondi” abalo bakeelede kujaigwa. Munzila nzi? Kwiinda ‘mukubafusa mabwe.’—Lev. 20:27.

Mulugwalo lwa Deuteronomo 22:23, 24, tubala kuti: “Na kuli nakalindu uutangidwe mwaalumi, nkabela mwaalumi umbi wamujana mumunzi akoona awe, muleelede kubaleta boonse bobile kumulyango wamunzi oyo akubafusa mabwe, bafwe. Musimbi ulafwa nkaambo kakuti taakwe naakalila nekuba kuti kali mumunzi, amwaalumi ulafwa nkaambo kakuti wasofwaazya mukamweenzinyina. Mbuboobo mbomweelede kunyonyoona bubi akati kanu.” Aboobo, akati kabana Israyeli bakusaanguna, kufwusa mabwe njeyakali nzila yakali kubelesyegwa kapati kujaya baabo bakali kucita milandu mipati. *

Lugwalo lwa Deuteronomo 21:23, lwaamba kuti: ‘Muntu waanzikwa acisamu uli alutuko kumeso aa Leza.’ Kwaanzika mutunta wamuntu mubi ‘uuli alutuko kumeso aa Leza’ mubwini cakali kubajatikizya bana Israyeli. Masimpe, kwaanzika acisamu muntu wajaigwa munzila eeyi, cakali kubacenjezya bamwi.

[Bupanduluzi buyungizidwe]

[Majwi aakwelelezya sikubala aali apeeji 13]

Aboobo, cilasalala kuti ciindi Magwalo aa Chihebrayo naakali kulembwa, muntu iwakali kweelela lufwu wakali kusaanguna kujaigwa kumane wakali kwaanzikwa acisamu