“Bamba Moyo Wako!”
“Bamba Moyo Wako!”
Muswaangano Wacooko Wa Bakamboni Ba Jehova
MUTWE WABUZUBA BWAKUSAANGUNA
“Pele Jehova Ulabona Moyo”—1 SAMUELE 16:7.
MUTWE WABUZUBA BWABILI
“Mulomo Waamba Zizwide Mumoyo”—MATAYO 12:34.
MUTWE WABUZUBA BWATATU
‘Komumanina Milimo Jehova Camoyo Woonse’—1 MAKANI 28:9.
Ibbaibbele lilaamba kujatikizya moyo ziindi zitandila ku 1,000. Kanji-kanji, Magwalo naamba zyamoyo wamuntu, aamba moyo wacikozyanyo. Ino moyo wacikozyanyo ninzi? Cilakonzya kwaamba buntu bwesu bwamukati—muntu ncayeeya, mbwalimvwa, alimwi anzyalombozya.
Ino nkaambo nzi ncotweelede kubamba moyo wesu wacikozyanyo? Leza wakakulwaizya Mwami Solomoni kulemba kuti: “Bamba moyo wako cakucenjela loko, nkaambo mulinguwo mobuzwa buumi.” (Tusimpi 4:23) Buumi mbotupona lino alimwi abulangizi bwesu bwakumbele buyeeme abube bwesu bwamoyo wacikozyanyo. Nkaambo nzi? Nkaambo Leza ulabona cili mumoyo wesu. (1 Samuele 16:7) Mbuntu bwesu bwamukati, ‘buntu bwamukati kamoyo,’ bwalo butondezya Leza mbwalimvwa kujatikizya ndiswe.—1 Petulo 3:4.
Ino inga twaubamba buti moyo wesu? Bwiinguzi kumubuzyo ooyu bulapegwa amiswaangano yacooko ya Bakamboni ba Jehova iilimukucitika munyika yoonse yalo yakatalika mu May. Mwatambwa kuti mukajanike mazuba oonse otatwe amuswaangano ooyu. * Nzyomuyooyiya ziyoomugwasya kucita zyintu munzila iimukkomanisya Jehova Leza.—Tusimpi 27:11.
[Bupanduluzi buyungizidwe]
^ munc. 11 Kutegwa muzyibe busena buyakucitilwa muswaangano kufwaafwi ankomukkala, amubone Web site ya www.pr418.com. Alimwi mulakonzya kubuzya Bakamboni ba Jehova kubusena nkomukkala naa kubalembela basikumwaya magazini eeyi.
[Nkotwakajana cifwanikiso icili apeeji 32]
Cifwanikiso cili kululyo: Aus dem Fundus der MÜNCHNER OLYMPIAPARK GMBH, München
