Mibuzyo Yamu Bbaibbele Yaingulwa

Nkaambo nzi luumuno munyika ncolukatazya boobu kulujana?

Ibbaibbele lilapa twaambo tobilo tupati ncocili boobu. Kaambo kakusaanguna, nokuba kuti bantu bacita zyintu zinji zigambya, tabajisi nguzu zyakweendelezya ntaamu zyabo. Kaambo kabili, bantu bakakilwa kuzuzikizya makanze aabo akaambo kakuti “nyika yoonse ili mumaanza aamubi,” Saatani Diabolosi. Aboobo, bantu bakakilwa kuleta luumuno munyika.—Amubale Jeremiya 10:23; 1 Johane 5:19.

Kuliyanda kwabantu akwalo kwapa kuti cikatazye kuba aluumuno munyika. Ilikke mfwulumende iikonzya kuyiisya bantu kuyanda zyintu ziluzi alimwi akubikkilana maano njiikonzya kuleta luumuno munyika.—Amubale Isaya 32:17; 48:18, 22.

Ino nguni uuyooleta luumuno munyika?

Leza, Singuzuzyoonse watusyomezya kuleta mfulumende yomwe iiyooendelezya bantu boonse. Iyoogwisya mfwulumende zyabantu zyoonse. (Daniele 2:44) Jesu, Mwana wa Leza, uyoolela kali Mwami Waluumuno. Uyoogwisya bubi boonse munyika alimwi akuyiisya bantu kupona caluumuno.—Amubale Isaya 9:6, 7; 11:4, 9.

Kwiinda mukusololelwa a Jesu, mamiliyoni aabantu munyika yoonse balalibelesya kale Jwi lya Leza, Bbaibbele, kuyiisya bantu mbobakonzya kuba muluumuno abamwi. Ino-ino, nyika yoonse iyooba muluumuno.—Amubale Isaya 2:3, 4; 54:13.

Kutegwa muzyibe zinji, amubone cibalo 3 cabbuku eeli, Ino Ncinzi Cini Bbaibbele Ncoliyiisya?, ilyakamwaigwa a Bakamboni ba Jehova

[Cifwanikiso icili apeeji 16]

Ilikke mfwulumende iikonzya kucinca myoyo yabantu njiiyooleta luumuno munyika

[Kulumba]

Fatmir Boshnjaku