Mibuzyo Yamu Bbaibbele Yaingulwa
Nkaambo nzi ncotweelede kupailila Bwami bwa Leza kuti buboole?
Sena mulayanda kuzyiba zinji kujatikizya Bwami bwa Leza alimwi ancobuyoocita?
Bwami bwa Leza nimfwulumende yakujulu. Jesu wakaambila basikwiiya bakwe kubupailila kuti buboole nkaambo buyooleta bululami alimwi aluumuno munyika. Kunyina mfwulumende yabantu iikonzya kugwisya nkondo, kutalulama, naa malwazi cakumaninina, pele Bwami bwa Leza bulakonzya alimwi buyoocita oobo. Leza wakasala mwanaakwe Jesu kuti abe Mwami wa Bwami. Alimwi Jehova wasala kakamu kabasikutobela Jesu kuba balelinyina a Jesu mu Bwami.—Amubale Luka 11:2; 22:28-30.
Lino-lino, Bwami bwa Leza buyoonyonyoona baabo bakazya bweendelezi bwa Leza. Aboobo mupailo wakuti Bwami bwa Leza buboole, nkulomba kuti mfwulumende ya Leza igwisye mfwulumende zyabantu zyoonse.—Amubale Daniele 7:13, 14; Ciyubunuzyo 11:15, 18.
Ino nkaambo nzi Bwami bwa Leza ncobuyoobagwasya bantu?
Jesu uleelela kuba Mwami nkaambo ngusilweetelelo. Mbwali mwana wa Leza, ulijisi nguzu zyakugwasya baabo bayanda lugwasyo kuzwa kuli Leza.—Amubale Intembauzyo 72:8, 12-14.
Bwami bwa Leza buyoobagwasya aabo babupailila camoyo woonse kuti buboole alimwi ibacita kuyanda kwa Leza. Tamukausi akaambo kakwiiya ncoliyiisya Bbaibbele kujatikizya Bwami bwa Leza.—Amubale Luka 18:16, 17; Johane 4:23.
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Ino Bwami bwa Leza Buyoocita Nzi?
Amwiiye zyintu nzyomukonzya kujana ciindi mfwulumende ya Leza noiyakulela nyika.
