Mibuzyo Yamu Bbaibbele Yaingulwa
Sena tulakonzya kuzyiba kasimpe kujatikizya Leza?
IKaambo Leza ncayanda kuti tuzyibe kasimpe. Amubale Johane 17:3
Leza wakabandika abantu. Wakabelesya muuya wakwe uusalala, naa nguzu zyakwe, kubikka mizeezo yakwe mumizeezo yabalembi ba Bbaibbele. (2 Petro 1:20, 21) Tulakonzya kuzyiba kasimpe kujatikizya Leza kwiinda mukubala Bbaibbele.—Amubale Johane 17:17; 2 Timoteyo 3:16.
Mu Bbaibbele, Leza ulayubununa zintu zinji kujatikizya nguwe. Ulatwaambila kaambo ncaakabalengela bantu, ncayoobacitila, alimwi ambwayanda kuti katupona. (Milimo 17:24-27) Jehova Leza uyanda kuti tuzyibe kasimpe kujatikizya nguwe.—Amubale 1 Timoteyo 2:3, 4.
Nkaambo nzi Leza ncabakkomanina aabo ibayanda kasimpe?
Jehova ngu Leza wakasimpe, alimwi wakatuma Mwanaakwe Jesu kuzooyiisya bantu kasimpe. Aboobo aabo ibakayanda kasimpe, Jesu ulabayanda. (Johane 18:37) Alimwi mbambabo Leza mbayanda kuti babe bakombi bakwe.—Amubale Johane 4:23, 24.
Saatani Diabolosi wapa kuti bantu banji batamuzyibi Leza kwiinda mukumwaya njiisyo zyakubeja kujatikizya Leza. (2 Bakorinto 4:3, 4) Bantu batayandi bubotu balazikkomanina njiisyo eezyo zyakubeja. (Baroma 1:25) Pele bantu banji basyomeka balakajana kasimpe kajatikizya Leza kwiinda mukwiiya Bbaibbele.—Amubale Milimo 17:11.
Andiza Inga Mwaakkomanina Ayaaya
KUJATIKIZYA NDISWE
Nkaambo Nzi Ncomweelede Kwiiya Bbaibbele?
Bbaibbele lilapa bwiinguzi kumibuzyo iibakatazya kapati bantu banji mubuumi. Sena inga mwayanda kuba akati kabo?
