Amudaunilode:

• Lwamanooti

1. 1. Ituyuni tulalila,

   Kuli kawo kabotu.

   Mwakatalukwa kapati;

   Bayandwa banu bakafwide

   Mwabatambula boonse.

   Mwalindila cabonwa.

   Anu nyika mpya eeyi,

   Yali buyo afwaafwi.

2. 2. Bayaka maanda mabotu

   Amumalundu moonse.

   Baimba nyimbo zibotu;

   Meenda alakunka mulwizi,

   Izisyango zyabizwa,

   Nciindi cakutebula.

   Anu eeyi nyika mpya

   Yali buyo afwaafwi.

   KKOLASI 1

   Tuli waano abalongwe,

   Tulikkomene kapati.

   Mapenzi oonse amana,

   Zintu zyoonse nzipya lino.

3. 3. Lyoonse nobwaca kuseeni,

   Bantu balikkomene

   Kuba abayandwa babo.

   Eeci ncobakali kuyanda.

   Tulamulumba Jehova

   Kuluyando ilwakwe.

   Zileleko zyoonse ’zyi,

   Zyali buyo afwaafwi.

   KKOLASI 2

   Mebo lyoonse ndilakondwa

   Ikuti tuli antoomwe.

   Kayi mebo tiindakazyi

   Kuti tuyakubonana.

4. 4. Nyika mpya yaswena.

   Leza wakasyomezya,

   Takwe nakonzya kubeja.

   Ncobeni yaswena afwaafwi.

   Ndilakkomana kapati

   Abulangizi oobu.

   Ndalindila cabonwa,

   Lino yaswena afwaafwi.