LWIIMBO 73
Kotupa Busicamba
-
1. Notukambauka Bwami,
Notwaamba zina lyako,
Kuli banji batukazya
Akutusampaula.
Swe tatuyoowi bantu,
Pele nduwe ngotumvwida.
Lino twalomba muuya wako;
O Jehova, twakukomba.
(KKOLASI)
Ciindi notukambauka;
Tuyumye, tutayoowi.
Swe kotupa busicamba
Boonse bamvwe munyika.
Amagedoni yaswena,
Pele noitanasika,
Swe kotupa busicamba.
Twakulomba.
-
2. Nokuba kuti twayoowa,
Ulizyi mbotubede.
Swe tulakusyoma kuti
Unootugwasya lyoonse.
Komvwa mbobatukonga
Ambobatupenzya babi.
Tugwasye kuba basicamba
Notwaamba muzina lyako.
(KKOLASI)
Ciindi notukambauka;
Tuyumye, tutayoowi.
Swe kotupa busicamba
Boonse bamvwe munyika.
Amagedoni yaswena,
Pele noitanasika,
Swe kotupa busicamba.
Twakulomba.
(Alimwi amubone 1Tes. 2:2; Heb. 10:35.)
