AMULANGILE!
Manyongwe Aaletwa Abasimapolitikisi—Ino Bbaibbele Lyaamba Nzi?
Kuli manyongwe manji aaletwa abasimapolitikisi aapa kuti bantu nyika yoonse kabalibilika.
Kucisi ca Mexico, kujaigwa kwabasimapolitikisi bali 39, walo uuli mweelwe mupati kwiinda lyoonse, kubikkilizya amanyongwe aambi buyo aabasimapolitikisi kwakanyonganya kuvwoota kwakeelede kucitwa mu 2023-2024.
Caino-ino ku Europe kwali manyongwe manji aajatikizya basimapolitikisi, kubikkilizya akusola kujaya mweendelezi wabili waku Slovakia mu May 15, 2024.
Bantu baku United States lyakabaleka ciindi iwakali mweendelezi Donald Trump, nobakali kuyanda kumujaya mu July 13, 2024.
Nkaambo nzi ncokuli manyongwe manji aabasimapolitikisi? Sena kuli nayoomana? Ino Bbaibbele lyaamba nzi?
Kutamvwana kwabantu akaambo kamapolitikisi kwakasinsimwa
Bbaibbele lyakasinsima kuti muciindi cesu, icaambwa kuti “mazuba aamamanino,” bantu banji banoojisi bube buleta manyongwe akutamvwana.
“Kumazuba aamamanino kuyooba ziindi zikatazya ncobeni. Nkaambo bantu bayooba . . . [bantu] batalumbi, batasyomeki, . . . batanyoneki, . . . bakali, . . . basikwaaba bamwi, batalaiki, basikulitukumuna.”—2 Timoteyo 3:1-4.
Bbaibbele alimwi lyakasinsima kuti manyongwe mbuli yaayo aaletwa abantu bazangila mfwulumende ayooduma kapati muciindi eeci. (Luka 21:9) Nokuba boobo, manyongwe aali boobu taakazumanani pe.
Mamanino aamanyongwe aaletwa abasimapolitikisi
Bbaibbele lipandulula kuti Leza uyoogusya mfwulumende zyabantu zyoonse akubikka mfwulumende yakujulu.
‘Leza wakujulu uyoobikka bwami . . . ibuyoopwayaula akumanizya mami aaya oonse, mpoonya bwalo bulikke buyakwiima nji mane kukabe kutamani.’—Daniele 2:44.
Bwami bwa Leza buyoobakamantanya ncobeni bantu akuleta luumuno munyika yoonse.
Muleli wambubo, Jesu Kristo, wiitwa kuti “Mwami Waluumuno,” alimwi uyoosinizya kuti ‘luumuno talukamani pe.’—Isaya 9:6, 7.
Noliba lino, balelwa bambubo balimukwiiya kupona muluumuno. Akaambo kaceeci, Bbaibbele lyaamba kuti: “Bayoofwula mapanga aabo kuba maamba aakulimya amasumo aabo kuba zyakukwezuzya zisamu. Cisi tacikanyamuni panga kulwana cisinyina, alimwi tabakaiyi limbi nkondo pe.”—Isaya 2:3, 4.
Kutegwa mwiiye zinji, amubale cibalo cakuti “Ino Ncinzi Ncobuyoocita Bwami bwa Leza?” akweebelela vidiyo yakuti Ino Bwami bwa Leza Ninzi?
Andiza Inga Mwaakkomanina Ayaaya
NGAZI YAMULINDIZI
Ino Ncinzi Ncobuyoocita Bwami bwa Leza?
Jesu wakalizyi kuti Bwami bwa Leza mbombubo bolikke bukonzya kumanizya mapenzi aali anyika. Ino ncinzi ncobwacita kale Bwami oobu icitupa kuba alusyomo?
AMULANGILE!
Bantu Bacileka Kubasyoma Basimapolitikisi—Ino Bbaibbele Lyaamba Nzi?
Bbaibbele litukulwaizya kubacenjelela bantu mbotusyoma alimwi lilatwaambila mweendelezi alikke uusyomeka uyoomanizya mapenzi.
AMULANGILE!
Nkaambo Nzi Mapolitikisi Ncaaleta Manyongwe Aataambiki Akati Kabantu?—Ino Bbaibbele Lyaamba Nzi?
Penzi lyamanyongwe akati kabantu akaambo kamapolitikisi liyaabukomena nyika yoonse. Bbaibbele lilaamba cikonzya kulimana penzi eeli—mweendelezi uukonzya kukamantanya bantu boonse.
NGAZI YAMULINDIZI
Ino Nguni Musololi Ngwaasala Leza?
TWAAMBO TUMWI
Bulangizi Bwini-bwini Bwabuumi Bubotu Kumbele
Ino nkaambo nzi zisyomezyo izijanika mu Bbaibbele ncoziindene kapati azisyomezyo naa businsimi bwabantu?
NJIISYO ZYAMU BBAIBBELE
Amulembe Foomu Kuti Kamuyanda Kwiiya
Amwiiye Bbaibbele amwiiyi kakunyina kubbadela.
