AMULANGILE!
Muzuzumo Wanyika ku Turkey Aku Syria—Ino Bbaibbele Lyaamba Nzi?
Mu Monday, February 6, 2023, kwakacitika muzuzumo wanyika wakanyonyoona ku Turkey aku Syria.
“Mu Monday, muzuzumo wanyika wakajaya bantu bainda ku 3,700 ku Turkey aku Syria nkoili kunyika lwaambo. Kuyungizya waawo, bantu banji bakalicisa akusweekelwa maanda aabo, ciindile kwakali kutontola kapati. Akaambo kakutontola cakali kukatazya kujana bantu bakafwutuka kumuzuzumo wanyika.”—Reuters, February 6, 2023.
Tulausa kapati ciindi notubala kujatikizya ntenda zili boobu. Muziindi zili boobu, tulangila kuli Jehova a “Leza siluumbulizyo loonse.” (2 Bakorinto 1:3) Ulatupa ‘luumbulizyo lwamu Magwalo kutegwa tube abulangizi.’—Baroma 15:4.
Mu Bbaibbele, twiiya:
Zintu izyakasinsimwa kujatikizya mizuzumo yanyika.
Nkotukonzya kujana luumbulizyo abulangizi.
Leza mbwayakwaamana mapenzi oonse.
Kutegwa muzyibe Bbaibbele ncolyaamba kujatikizya makani aaya, amubale zibalo zitobela:
a Jehova ndizina lya Leza limugeme.—Intembauzyo 83:18.
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Sena Inga Ndajana Majwi Aawuumbulizya mu Bbaibbele?
Zibalo zyamu Bbaibbele zyabawuumbulizya bantu banji ibajisi mapenzi aakatazya.
NJIISYO ZYAMU BBAIBBELE ZIGWASYA
Sena Leza Nguupa Kuti Ntenda Zilicitikila Kazicitika?
Bantu bobilo bakacitikilwa ntenda balapandulula ncobaiya mu Bbaibbele.
TWAAMBO TUMWI
Bulangizi Bwini-bwini Bwabuumi Bubotu Kumbele
Ino nkaambo nzi zisyomezyo izijanika mu Bbaibbele ncoziindene kapati azisyomezyo naa businsimi bwabantu?
NJIISYO ZYAMU BBAIBBELE ZIYANDIKA
Nkaambo Nzi Leza Ncalekelede Kupenga?
Bbaibbele lilapa bwiinguzi bukkazika moyo alimwi buumbulizya.
NGAZI YAMULINDIZI
Kupenga Kuli Afwaafwi Kumana!
NJIISYO ZYAMU BBAIBBELE
Amulembe Foomu Kuti Kamuyanda Kwiiya
Amwiiye Bbaibbele amwiiyi kakunyina kubbadela.
