Baleli bazisi alimwi ambunga zyabantu ziindene-indene baalilwa kuleta luumuno. Mazuba aano, kuli mazwanga manji kapati kwiinda lyoonse kuzwa lya Nkondo Yakusaanguna Yanyika Yoonse. Bantu ibatandila ku 2 Bbiliyoni, nkokuti 25 pasenti yamweelwe wabantu munyika yoonse bakkala mumasena ajatikizyidwe ankondo.

 Nkaambo nzi bantu ncobatakonzyi kuleta luumuno? Ino Bbaibbele lyaamba nzi?

1.  1. Bantu batondezya bube bwalo butakonzyi kubapa kusoleka kuleta luumuno. Bbaibbele lyakasinsima kuti, muciindi cesu “bantu bayooba basikuliyanda, bayandisya mali, basikulidunda, basikulisumpula, . . . batasyomeki, . . . batanyoneki, . . . batalilesyi, bakali, . . . batalaiki, basikulitukumuna.”​—2 Timoteyo 3:2-4.

2.  2. Bantu tabajisi nguzu zyakumana mapenzi aabo ikuti tiibagwasyigwa a Mulengi wabo, Jehova a Leza. Bbaibbele lyaamba kuti “muntu weenda tapedwe nguzu zyakusololela noziba ntaamu zyakwe.”​—Jeremiya 10:23.

3.  3. Nyika iili mukweendelezyegwa amweendelezi mubi, nkokuti Saatani Diabolosi, walo “weena nyika yoonse.” (Ciyubunuzyo 12:9) Aboobo mbwaanga “nyika yoonse ili mumaanza aamubi,” nkondo amazwanga zinooliko.​—1 Johane 5:19.

 Bbaibbele litusyomezya kuti luumuno luyooba, ikutali kwiinda munguzu zyabantu, pele munguzu zya Leza.

•   “‘Nkaambo ndiliizyi kabotu mizeezo njendiyeeya kujatikizya ndinywe,’ mbwaamba Jehova, ‘mizeezo yakumuletela luumuno, kutali mapenzi pe, kumupa buumi bwakumbele bubotu alimwi abulangizi.’”​—Jeremiya 29:11.

 Ino Leza uyoocizuzikizya buti cisyomezyo eeci? ‘Leza uupa luumuno uyoopwayaula Saatani.’ (Baroma 16:20) Aboobo uyoobelesya mfwulumende yakwe yakujulu, yalo Bbaibbele njoliita kuti “Bwami bwa Leza,” kuleta luumuno munyika yoonse. (Luka 4:43) Ciindi Mwami wa Bwami oobu nkokuti Jesu Kristo, aakutalika kweendelezya nyika yoonse, bantu bayakwiiya mbobakonzya kukkala muluumuno.​—Isaya 9:6, 7.

•   Kutegwa mwiiye zinji, amubale cibalo cakuti “Ino Ncinzi Ncobuyoocita Bwami bwa Leza?”