JW LIBRARY
Amucince Masetiŋi Kutegwa Mukukkomanine Kubala—mu Android
Kutegwa kamwiikkomanina app eeyi, kuli zibeela zili mbozibede mu JW Library. Zibeela eezyi zijanika aa navigation bar atala aasikkilini mwanoobala caandaano naa cibalo.
Inga mwatyanka aalembedwe kuti Azimwi kutegwa mubone zibeela zimwi zili aa navigation bar.
Amutobele malailile aaya kutegwa mucince maseetiŋi kutegwa mukukukkomanine kubala:
Amucince Mwaambo
Mulakonzya kucinca mwaambo wacaandaano naa cibalo ncomuli mukubala.
Amutyanke aalembedwe kuti Myaambo kutegwa mubone myaambo yoonse mocijanika ncomuli mukubala. Myaambo njomuvwula kujalula ijanika atala mumulongo. Ayalo Ngazi Yamulindizi ilajanika aawa. Alimwi mulakonzya kuyandaula kwiinda mukulemba zina lyamwaambo.
Myaambo njomutanakkopa inga ijisi kakumbi. Amutyanke amwaambo kutegwa mukkope nzyomuyanda. Mbomwamanina buyo kukkopa nzyomuyanda mutabbuleti naa fooni yanu, kakumbi kalaleka kulibonya. Amutyanke alimwi amwaambo kutegwa mubale.
Amucince Masetiŋi Aansaizi Yamabala
Mulakonzya kucinca nsaizi yamabala kweelana ambomuyanda.
Amutyanke aalembedwe kuti Mabala Mbwaaboneka; mpoonya mwaacesye naa kwaakomezya mabala. Nsaizi yamabala eeyi njiibelesyegwa muli zyoonse nzyomwakakkopa mu app.
Amubone Manooti naa Mabala
Zibalo zimwi mulakonzya kuzilanga kazijisi manooti naa mabala buyo. Amutyanke aayelede kutegwa mucince mbocilibonya cibalo.
Amubone Manooti: Cibeela icijisi manooti citondezya mboilibonya mubbuku lisimbidwe. Bamwi inga baciyanda cibeela eeci mbuli mubbuku lyanyimbo, mwalo mocitondezya manooti aanyimbo.
Amubone Mabala: Cibeela camabala buyo citondezya magwalo aamu Bbaibbele aakonzya kutyankwa alimwi inga mwacinca nsaizi yamabala.
Amujalule kubelesya. . .
Cibeela cakuti Amujule Kubelesya . . . cimuzumizya kubona izili mu JW Library muma app aamwi.
Amutyanke cibeela cakuti Amujule Kubelesya . . . kutegwa mubone nzyomukonzya kusala. Mucikozyanyo, inga mwatyanka aalembedwe kuti Amujule Kubelesya Laibbulali yaa Intaneti kutegwa peeji njomubala ijaluke mu LAIBBULALI YAA INTANETI ya Watchtower.
Amusale ma Bbaibbele
Ikuti mwatyanka lugwalo lwamu Bbaibbele mubbuku, tupango tulalibonya. Amutyanke acibeela cakuti Amusale ma Bbaibbele icili ansi aatupango kutegwa musale Bbaibbele akati kayaayo ngomwakkopa njomuyanda kubikka amulongo wanu.
Amutyanke acibeela cakuti Amubikke naa Amugusye kutegwa mulibikke naa kuligusya Bbaibbele.
Amubone cibeela cakuti “Amukkope ma Bbaibbele—mu Android” kutegwa mwiiye mbomukonzya kubikka ma Bbaibbele aambi mu JW Library.
Zibeela eezyi zyakamwaigwa mu February 2015 a JW Library 1.4, alimwi zilakonzya kubeleka mu Android 2.3 naa iinda aawo. Ikuti naa taziko zibeela eezyi, amutobele malailile aaya aali mucibeela ca “Mbomukonzya Kubelesya JW Library—mu Android,” mucibeela cakuti Amukkope Zintu Zipya Ziliko.
