JW LIBRARY
Mbomukonzya Kujana Ncomuyanda mu Bbaibbele naa Mubbuku—mu Android
Cibeela ca amuyandaule cili a JW Library cimugwasya kujana bbala naa mabala aamu Bbaibbele naa mubbuku.
Amutobele malailile aaya kutegwa mucikonzye kuyandaula ncomuyanda:
Amuyandaule mabala aamu Bbaibbele
Mulakonzya kuyandaula bbala naa mabala mu Bbaibbele ndyomuli mukubala.
Nomulanga Bbaibbele, amutyanke acibeela cakuti Amuyandaule; akutalika kulemba bbala ndyomuyanda. Nomulemba, mulabona mabala aasiyene-siyene. Amutyanke abbala naa acibeela cakuti Enter kutegwa mubone ncomuyanda.
Tupango Tuli Atala tutondezya tupango tuvwula kujalulwa itweendelana ancomuyandaula. Cibeela cakuti Tupango Toonse citondezya tupango toonse tweendelana itubikkidwe kweelana abbuku lyamu Bbaibbele. Cibeela cakuti Zibalo citondezya zibalo zyeendelana izili mucibeela camakani aajanika mu Jwi lya Leza alimwi amumakani aayungizyidwe.
Ikuti mwalemba mabala manji, amulange akabbokesi kakuti Kweendelanya Abbala Lini kutegwa mubone buyo bbala lyeendelana abbala lini ndyomwalemba.
Amuyandaule Mubbuku
Mulakonzya kuyandaula bbala naa mabala mubbuku ndyomuli mukubala.
Nomubala mubbuku, amutyanke acibeela cakuti Amuyandaule; akutalika kulemba bbala ndyomuyanda. Nomulemba, mulabona mabala aasiyene-siyene Amutyanke abbala naa acibeela cakuti Enter kutegwa mubone ncomuyanda.
Ikuti mwalemba mabala manji, amulange akabbokesi kakuti Kweendelanya Abbala Lini kutegwa mubone buyo bbala lyeendelana abbala lini ndyomwalemba.
Amuyandaule Mutwe Wamakani
Ikuti naa mwakakkopa bbuku lya Insight on the Scriptures, mulakonzya kuyandaula makani aali mubbuku eeli. Cibeela eeci cilalibonya ciindi nomubala Bbaibbele lili lyoonse naa bbuku mu app.
Amutyanke cibeela cakuti Amuyandaule; mpoonya mutalike kulemba makani ngomuyanda. Nomulemba, makani aayendelana aajanika mu Insight on the Scriptures alabikkwa amulongo waziyeeyelwa. Amutyanke amakani kutegwa cibalo cijaluke.
Zibeela eezyi zyakamwaigwa mu October 2014 mu JW Library 1.3.4, alimwi zilakonzya kubeleka mu Android 2.3 naa iinda aawo. Ikuti naa taziko zibeela eezyi, amutobele malailile aaya aali mucibeela ca “Mbomukonzya Kubelesya JW Library—mu Android,” mucibeela cakuti Amukkope Zintu Zipya Ziliko.
