JW LIBRARY
Mbomukonzya Kubelesya Cibeela Cakuti Mamaakki—mu Android
Cibeela camamaakki caa JW Library cipa kuti mubikke kamaakki mpomweendela mubbuku lili lyoonse, mbubonya mbomukonzya kubikka katambo mpomweendela mubbuku lisimbidwe. Bbuku lili lyoonse mu JW Library lilijisi mamaakki aali kkumi.
Amutobele malailile aaya kutegwa mucibelesye kabotu cibeela ca mamaakki:
Amubikke Kamaakki Kapya
Mulakonzya kubikka kamaakki acibalo naa acaandaano, amuncali uugaminide naa akapango kamu Bbaibbele.
Kutegwa mubikke kamaakki acibalo naa caandaano, amutyanke a Kamaakki. Mwatyanka, kulibonya mulongo uutondezya mamaakki aabbuku ndyomwajalula. Amutyanke aatakwe cili coonse kutegwa mubikke kamaakki acibalo naa acaandaano.
Kutegwa mubikke kamaakki amuncali uugaminide naa akapango kamu Bbaibbele, amusaangune kutyanka mabala; mpoonya mutyanke a Kamaakki.
Amutyanke a Kamaakki
Kutegwa mujane kamaakki, amujalule bbuku likajisi; mpoonya amutyanke a Kamaakki. Amutyanke kamaakki nkomuyanda kubona.
Amucibelesye Cibeela Camamaakki
Mulakonzya kumwaya naa kubikka kamaakki kamwi.
Kutegwa mumwaye kamaakki, amutyanke a Kamaakki; mpoonya mutyanke acibeela cakuti Azimwi cili munsi akamaakki nkomuyanda kumwaya. Amutyanke acibeela cakuti Amumwaye.
Kutegwa mubikke kamaakki kambi, amutyanke a Kamaakki; mpoonya mutyanke acibeela cakuti Azimwi cili munsi akamaakki nkomuyanda kubikka. Amutyanke acibeela cakuti Amubikke. Kamaakki kanjila mubusena bwakaako kaliko kale. Eeci cilagwasya kubona mpomweendela mubbuku ciindi nomubala. Mucikozyanyo, inga mwazyiba mpomweendela mukubala Bbaibbele kwabuzuba.
Zibeela eezyi zyakamwaigwa mu May 2014 a JW Library 1.2, alimwi zilakonzya kubeleka mu Android 2.3 naa iinda aawo. Ikuti naa taziko zibeela eezyi, amutobele malailile aaya aali mucibeela ca “Mbomukonzya Kubelesya JW Library—mu Android,” mucibeela cakuti Amukkope Zintu Zipya Ziliko.
