JW LIBRARY
Amukkope mabbuku—mu Android
Kuli mabbuku manji, mabroshuwa, matulakiti ngomukonzya kubala amavidiyo aakweebelela a JW Library nomutali a Intaneti.
Amutobele malailile aaya kutegwa mukkope mabbuku:
Amulikkope Bbuku
Mulakonzya kukkopa mabbuku manji kutegwa kamubala akwiiya nomutali a Intaneti.
Amujalule navigation drawer, akutyanka acibeela cakuti Nzyomwakakkopa kutegwa mubone ziliko.
Amutyanke acibeela cakuti Myaambo kutegwa mubone myaambo yoonse mocijanika ncomubala. Amusale mwaambo ngomuyanda kubona. Myaambo njomuvwula kubelesya ijanika atala mumulongo. Alimwi mulakonzya kuyandaula zili mumulongo kwiinda mukulemba zina lyamwaambo.
Kuli nzila azimwi mbomukonzya kujana nzyomwakakkopa mu JW Library.
Cibeela cakuti Kweelana Amusyobo citondezya zintu nzyomwakakkopa mumwaambo ngomubelesya kweelana amusyobo, zintu mbuli mabbuku, matulakiti, naa mavidiyo. Kutyanka amisyobo iimwi ciyoomupa coolwe cakusala azimwi, mbuli Ngazi Yamulindizi kweelana amwaka noyakalembwa naa misyobo yamavidiyo. Amutyanke acibeela cakuti Misyobo Yoonse kutegwa mujokele atala amulongo.
Cibeela cakuti Zintu Zipya Iziliko citondezya zintu zyakamwaigwa caino-ino mumwaambo ngomubelesya.
Zintu zitanakkopwa zijisi kakumbi. Amutyanke abbuku kutegwa mukkope. Mbomwamanina buyo kulikkopa, kakumbi kalaleka kulibonya. Amutyanke alimwi kutegwa mubale.
Cibeela cakuti Zyakakkopwa Kale cilatondezya zyoonse nzyomwakakkopa mumwaambo uuli woonse. Mulongo wazintu eezyi inga mwaubikka kweelana Anzyomuvwula Kubelesya, Anzyomutavwuli Kubelesya naa kweelana Abupati.
Amulimwaye Bbuku
Mulakonzya kulimwaya bbuku ikuti kamutaciliyandi naa muyanda busena.
Amujalule navigation drawer, akutyanka acibeela cakuti Nzyomwakakkopa, (mucikozyanyo, mabbuku) kutegwa mubone ziliko. Abbuku ndyomuyanda kumwaya, amutyanke acibeela cakuti Azimwi; mpoonya mutyanke acibeela cakuti Amumwaye.
Ikuti kamuyanda kuba abusena, amumwaye mabbuku ngomutavwuli kubelesya naa mapati. Amuunke acibeela cakuti Zyakakkopwa Kale; akuzibikka kweelana Anzyomutavwuli Kubelesya naa kweelana Abupati. Amumwaye nzyomwakakkopa nzyomutaciyandi.
Amulicite Apudeeti Bbuku
Ciindi aciindi, kunooboola maapudeeti azintu nzyomwakakkopa.
Cintu cacitwa apudeeti cilaba acitondezyo cakuti mutalike alimwi. Mwatyanka abbuku, kuboola mulumbe waamba kuti kuli maapudeeti. Amutyanke acibeela cakuti Amukkope kutegwa mucite apudeeti, naa acibeela cakuti Aakale kutegwa muzumanane kubala leelyo ndyomujisi kale.
Kutegwa mubone naa kuli maapudeeti azintu nzyomwakakkopa, amujalule navigation drawer; akutyanka acibeela cakuti Nzyomwakakkopa. Ikuti kakuli maapudeeti, kulalibonya cibeela cakuti Maapudeeti Aatanacitwa. Amutyanke kutegwa mubone zyoonse zyeelede kucitwa apudeeti. Amutyanke abbuku kutegwa mulicite apudeeti, naa kutyanka acibeela cakuti Amuzicite Apudeeti Zyoonse.
Zibeela eezyi zyakamwaigwa mu February 2015 a JW Library 1.4, alimwi zilakonzya kubeleka mu Android 2.3 naa iinda aawo. Ikuti naa taziko zibeela eezyi, amutobele malailile aaya aali mucibeela ca “Mbomukonzya Kubelesya JW Library—mu Android,” mucibeela cakuti Amukkope Zintu Zipya Ziliko.
