Kuli mipailo imwi njatainguli Leza. Amulange-lange twaambo tobilo tunga twapa kuti Leza atauswiilili mupailo.

1. Mupailo uuteendelani akuyanda kwa Leza

 Leza tainguli mipailo iiteendelani akuyanda kwakwe, naa zyeelelo zyakwe zili mu Bbaibbele. (1 Johane 5:14) Mucikozyanyo, Bbaibbele lilakasya kuba balyato. Njuka isumpula bulyato. (1 Bakolinto 6:9, 10) Aboobo, Leza takayiinguli mipailo yanu kuti naa mupailila kuti muwine lotali. Leza tali ceelo cizumina kucita kufwumbwa muntu ncaacaambila kuti cicite. Masimpe, mweelede kulumba akaambo kaceeci. Nicatali boobo, nitwali kuyoowa zimwi zyintu bantu nzyobali kukonzya kulomba kuti Leza abacitile.—Jakobo 4:3.

2. Mupailo wamuntu muzangi

 Leza tabaswiilili aabo bamuzangila kwiinda mumicito yabo. Mucikozyanyo, aabo bakali kulyaamba kuti balamubelekela Leza pele ibakamuzangila, wakabaambila kuti: “Nekuba kuti mwakomba zikombyo zinji, nsikooyooswiilila. Maanza aanu alizwide bulowa.” (Isaya 1:15) Pele ikuti nibakacinca nzila zyabo ‘akubamba twaambo’ a Leza, naakabaswiilila ciindi nibakali kupaila.—Isaya 1:18.